Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O responsable de Política Lingüística, Anxo Lorenzo, participou en Santiago de Compostela na inauguración dos XIII Encontros para a Normalización Lingüística, que nesta edición teñen como un dos seus principais centros de interese o papel dos concellos na promoción do uso do galego.
Fonte: Xunta de Galicia
A Fundación Jaume Bofill acaba de publicar Les llengües a Catalunya, 2001-2005 de Albert Fabà e Mireia Llaberia. Este informe fai unha análise da situación lingüística da Cataluña dos inicios do século XXI.
Fonte: Generalitat de Catalunya
A Comisión para a Terminoloxía Científica e Técnica é un organismo oficial creado hai 50 anos que ten como obxectivo buscar ou crear palabras en hindi e outras linguas indias que expresen o significado da gran cantidade de novos termos técnicos en inglés.
Fonte: The National
Máis de 400 profesores e 120 relatores participarán do 28 ao 30 de abril nas XIV Xornadas de Linguas Estranxeiras, que este ano se organizan en Lleida baixo o lema “A educación multilingüe: un reto para o profesorado”.
Fonte: Europa Press
A Xunta pola Defensa de la Llingua presenta “Nun somos llinguateros”, a canción que valerá este ano como costado sonoro da reivindicación da oficialidade do asturiano.
Fonte: Europa Press
Aprender francés deixará de ser obrigatorio para os alumnos de centros públicos de Calgary. A Mesa da Educación de Calgary determinou facer optativo o francés no ensino secundario e deixa as escolas de educación primaria decidir individualmente se o francés se ofrecerá entre o cuarto e o sexto cursos.
Fonte: Edmonton Journal
O secretario xeral de Política Lingüística, Anxo Lorenzo, presentou en rolda de prensa o balance de actividade realizada en 2010 pola Xunta de Galicia en materia de promoción da lingua galega e mais as principais liñas de actuación da secretaría xeral para este ano.
Fonte: Xunta de Galicia
Os falantes de amárico teñen acceso agora a unha maior variedade de software na súa propia lingua. O amárico é a lingua nacional de Etiopía, onde conta con 21 millóns de falantes nativos; ademais, tamén é falado en comunidades de emigrantes en todo o mundo.
Fonte: New Business Ethiopia
O Concello de San Sebastián acaba de aprobar o Plan xeral de éuscaro 2011-15 que trata de lograr “o verdadeiro” bilingüismo na cidade facendo que os donostiarras non só coñezan o idioma senón que o usen cada día.
Fonte: Diario Vasco
Once concellos aragoneses advertiron que acudirán ao Tribunal Constitucional (TC) se o Goberno de Aragón chega a desenvolver a Lei de linguas, é dicir, se adopta decisións ao amparo deste texto que se aprobou a finais de 2009 e que declara o catalán “lingua propia" de Aragón.
Fonte: ABC
Subscríbase ao boletín
