Os departamentos de Filoloxía Catalá e Lingüística Xeral da Universidade das Illas Baleares fixeron público un manifesto no que expresan a súa oposición ao peche de Radiotelevisión de Mallorca e advirten ao Consell que ten a obriga de cumprir coa Lei de normalización lingüística, que recolle o deber da Administración de promover o coñecemento e o desenvolvemento da lingua e cultura catalás nos medios de comunicación.

Fonte: Telecinco

O galego atópase entre o 2,4 % das linguas máis faladas do mundo. Supera o millón de falantes, como só 389 do total estimado de 6633 que se poden atopar no planeta. Fronte á moi asumida idea da homoxeneidade que os estados europeos propagaron, a diversidade lingüística é a realidade.

Fonte: El Mundo

A directora executiva do Consello de Arte de Samoa Americana, Leala Pili, anima os pais a falar samoano na casa para mantelo vivo. Teme que se perda a lingua se os pais non lles falan aos seus fillos na súa lingua materna na casa.

Fonte: Radio New Zealand International

A Real Academia Española creou unha unidade para canalizar as críticas e propostas relacionadas co Dicionario, que serán estudadas de inmediato e incorporadas á edición dixital, se se consideran adecuadas.

Fonte: La Voz de Galicia