A oferta de grupos de inglés na Universidade Pública de Navarra crecerá o próximo curso case un 63% con respecto ao pasado ano, ao pasar de 40 a 65 materias impartidas nesta lingua.
Fonte: Noticias de Navarra
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
01 de agosto de 2011
01 de agosto de 2011
O Síndic de Greuges (Valedor do Pobo)da Comunidade Valenciana, José Cholbi, instou o Concello de Alacant a que active os mecanismos necesarios para garantir que a rotulación das instalacións e oficinas municipais se realice preferentemente en valenciano, dado que a poboación se atopa nunha zona de predominio lingüístico valenciano.
Fonte: El País
01 de agosto de 2011
Galicia Confidencial poderase ler en calquera libro electrónico. Susana Sotelo Docío, tecnóloga da Universidade de Santiago, creou unha receita para o programa Calibre que permite aos usuarios seguir este xornal dende os seus libros electrónicos. Galicia Confidencial convértese así no primeiro medio en galego cunha receita para este software libre.
Fonte: Galicia Confidencial
01 de agosto de 2011
Alba García Pico, coa colaboración da fotógrafa María Mon, realizou un traballo de investigación e documentación de forma altruísta sobre o uso do galego nos camposantos das nove parroquias que conforman o concello do Valadouro.
Fonte: El Progreso
01 de agosto de 2011
O Goberno de Sarawak continuará co seu esforzo de promover a lingua iban como lingua franca internacional, á par do inglés, o mandarín e o malaio.
Fonte: The Borneo Post
01 de agosto de 2011
A oposición social-liberal e social-demócrata afirma que as campañas de saúde pública deberían realizarse noutras linguas distintas do dinamarqués co fin de chegar aos maiores grupos de inmigrantes do país.
Fonte: The Copenhagen Post
01 de agosto de 2011
As linguas indíxenas e non inglesas coma o gullah, que provén dos escravos de África occidental e contén algo de inglés, enfróntanse a númerosos obstáculos para sobrevivir actualmente en Estados Unidos. Entre eles inclúense a falta de recursos, o feito de que a maioría dos falantes está morrendo e o estigma de que estas linguas son para persoas sen formación.
Fonte: Kansas City
29 de xullo de 2011
Máis de 100 estudantes procedentes de preto de 30 países rematan os cursos de verán de lingua e cultura galegas para estranxeiros que levaron a cabo, durante o mes de xullo, a Universidade de Santiago de Compostela (USC), a Universidade da Coruña (UDC) e a Universidade de Vigo (UVigo), coa colaboración da Secretaría Xeral de Política Lingüística.
Fonte: Xunta de Galicia
29 de xullo de 2011
Nas súas relacións verbais cos cidadáns, tanto presenciais como por vía telefónica, os servizos administrativos municipais ofrecerán a primeira atención en catalán e continuarán na lingua cooficial elixida polo interlocutor, “respectando a súa opción lingüística”.
Fonte: Diario de Mallorca
29 de xullo de 2011
O Ministerio de Educación de Tailandia insta as escolas de todo o país a promover o estudo da lingua chinesa, dado que se considera unha ferramenta importante para contribuír ao desenvolvemento educativo a nivel internacional.
Fonte: The Thai Financial Post
Boletín
Subscríbase ao boletín
