Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O secretario xeral de Política Lingüística, Anxo Lorenzo, e o director de comunicación e márketing de Asociación Hostelería Compostela, Aser Álvarez, presentaron as bases dun orixinal concurso de microrrelatos a través das redes sociais, concretamente de Facebook, que xorde co gallo do oitavo centenario da catedral de Santiago.
Fonte: Xunta de Galicia
O conselleiro de Educación, Xesús Vázquez, e o presidente do Consello da Cultura Galega (CCG), Ramón Villares, asinaron un convenio de colaboración en materia de normalización lingüística no ámbito local.
Fonte: La Voz de Galicia
Só un 8,84 % das ofertas de emprego en Galicia valora o coñecemento dunha lingua autonómica para acceder ao posto -o galego no 97,31 % dos casos-, segundo unha análise realizada por Adecco e Infoempleo.
Fonte: El Correo Gallego
Un traballo elaborado por varios estudosos da rede científica CRUSCAT do Instituto de Estudos Cataláns quixo dar resposta ao paradoxo que representa o feito de que o catalán teña na Wikipedia un número de artigos similar ao chinés.
Fonte: Linguamón
Os directores das vintedúas Academias da Lingua Española de España, América e Filipinas celebrarán unha reunión plenaria do 19 ao 22 de xullo cuxas sesións se realizarán en Madrid e Burgos, co propósito de estudar a situación dos proxectos lingüísticos comúns, propor novas iniciativas e elaborar conxuntamente o plan de acción dos próximos anos.
Fonte: ABC
O dominio de idiomas permite acceder a un 27,55 % máis de ofertas de emprego. O máis solicitado polas empresas é o inglés (72 %), aínda que rebaixou a súa posición dominante a favor do francés, que xa o requiren para un 8,5 % dos postos de traballo.
Fonte: Ideal
O traballo recompilado polo Laboratorio de Lingüística do Instituto de Investigacións Antropolóxicas inclúe dialectos que só teñen dous ou tres falantes e están condenados a desaparecer.
Fonte: Milenio
Indonesia e China asinaron un acordo de colaboración sobre o ensino da lingua indonesia en varias universidades de China. O acordo forma parte da cooperación bilateral dos dous países en materia de linguas no ensino superior.
Fonte: The Jakarta Post
O Tribunal Supremo de Ohio adoptou unha norma que obriga os tribunais do estado a contratar intérpretes de linguas estranxeiras ou de lingua de signos en certos casos.
Fonte: Business First
O secretario xeral de Política Lingüística, Anxo Lorenzo, e o secretario xeral da Confederación de Empresarios de Galicia (CEG), Fausto Santamarina, reuníronse para valorar o desenvolvemento das actuacións que as dúas entidades promoven conxuntamente para ampliar e mellorar o uso do galego no tecido socioeconómico.
Fonte: Xunta de Galicia
Subscríbase ao boletín
