Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O secretario xeral de Política Lingüística, Anxo Lorenzo, e o alcalde do concello de Ames, Santiago Amor, mantiveron o seu primeiro encontro institucional, no que puideron compartir os intereses dos gobernos autonómico e local a prol da extensión social do galego.
Fonte: Xunta de Galicia
Este ano, as tres primeiras películas da historia do cine “concibidas e realizadas integramente en éuscaro” verán a luz grazas a un ímprobo traballo de restauración centrado na imaxe e no son, que se atopaban moi deteriorados.
Fonte: Noticias de Navarra
Trátase dun concurso de postais en éuscaro cuxo obxectivo é o de animar a poboación para que utilice este idioma nas comunicacións informais e escritas. Por isto, a convocatoria busca que os ermuarras que o desexen envíen unha postal escrita en éuscaro desde os seus lugares de veraneo ou descanso.
Fonte: El Correo
Estes cursos, de nivel A1 de asturiano, contan con 20 prazas e celebraranse en Xixón, Oviedo e Avilés. Dirixidos a maiores de 17 anos, teñen un prezo de 320 euros.
Fonte: Asturnews
Os tres maiores partidos da oposición de Montenegro presentaron proxectos de emenda á Constitución para facer que o serbio sexa idioma oficial. A oposición quere que se engada un novo artigo á Constitución que estableza que "se un censo de poboación mostra que algunha das linguas de uso oficial é falada por unha maioría da poboación, sexa idioma oficial".
Fonte: EMG
O secretario xeral de Política Lingüística, Anxo Lorenzo, reuniuse co alcalde de Lugo, Xosé Clemente López Orozco, co fin de valorar iniciativas para a dinamización social do idioma entre o Goberno local e o autonómico.
Fonte: Xunta de Galicia
Unha intérprete de lingua de signos da Asociación Musorex traduciu desde a escena os diálogos e diferentes pasaxes desta obra, escrita por Miguel Murillo e ambientada na Mérida de 1936.
Fonte: ABC
O proxecto Lonxa das Letras, segundo os seus creadores, "está destinado a facilitar o acceso á literatura galega dentro e fóra de Galicia".
Fonte: El Correo Gallego
A Lei de idiomas indíxenas de Venezuela, que busca revitalizar as culturas ancestrais e fortalecer o pensamento indoamericano, foi traducida xa a 17 linguas autóctonas deste país suramericano.
Fonte: Prensa Latina
A lingua chinesa é unha das máis utilizadas en internet, en concreto a segunda despois do inglés, segundo afirmou un funcionario.
Fonte: The Times of India
Subscríbase ao boletín
