En Galicia existen 52 centros plurilingües que asumiron impartir materias nun terceiro idioma a raíz do Decreto do plurilingüismo que a Consellería de Educación aprobou hai un ano.
Fonte: El País
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de abril de 2011
18 de abril de 2011
Institucións públicas e privadas de toda Macedonia continúan rexeitando a sinalización en albanés a pesar de que case o 30 % da poboación deste país balcánico é de orixe albanesa.
Fonte: Albeu
18 de abril de 2011
O lingüista João Malaca Casteleiro, da Academia de Ciencias de Lisboa, cre que o portugués podería converterse na sétima lingua oficial da Organización das Nacións Unidas (ONU) nos próximos cinco anos, grazas á grande proxección do Brasil no panorama internacional e á posibilidade de que este se converta en membro permanente do Consello de Seguridade das Nacións Unidas.
Fonte: Café Portugal
18 de abril de 2011
O inglés supera o galego como idioma das teses de doutoramento que se fan na Universidade de Santiago, pero segue aínda lonxe da rotunda maioría que posúe o castelán, con algo máis do 64% do total. Con todo, o galego rabuñou nos últimos vinte anos unha presenza de seis puntos, ata acadar o 13,78%.
Fonte: Galicia Hoxe
18 de abril de 2011
A Secretaría Xeral de Política Lingüística vén de dirixirse ás máis de trinta mancomunidades de municipios de Galicia para achegarlles información sobre a Rede de Dinamización Lingüística, unha iniciativa coa que a Xunta de Galicia busca avanzar na coordinación e no impulso das actuacións en materia de dinamización da lingua galega en colaboración coas entidades locais.
Fonte: Xunta de Galicia
18 de abril de 2011
A Xunta de Galicia, a través da Secretaría Xeral de Política Lingüística, súmase ao recoñecemento da diversidade lingüística. O departamento que dirixe Anxo Lorenzo vén de participar na primeira reunión sobre o proxecto “Lingua e falantes por unha Europa diversa”, promovido pola Rede para a Promoción da Diversidade Lingüística (en inglés, Network to Promote Linguistic Diversity).
Fonte: Xunta de Galicia
17 de abril de 2011
O presidente de Xeorxia, Mikheil Saakashvili, apoiará a aprobación dun programa que requirirá unha aprendizaxe máis exhaustiva da lingua xeorxiana para a poboación de orixe non xeorxiana.
Fonte: News.am
17 de abril de 2011
O hotel Gwesty Carreg Môn, en Anglesey, no norte de Gales, emitiu unha norma pola que prohibe falar galés ao persoal de cociña porque o seu principal responsable non fala nin entende esta lingua. A dirección do hotel afirma que tomou esta decisión "unicamente por razóns de seguridade" para garantir o bo funcionamento do servizo de restauración.
Fonte: Daily Post
17 de abril de 2011
Un estudo revelou que o árabe é, despois do inglés, a lingua máis falada pola xente nova en Australia. Un de cada oito nenos multilingües emprega esta lingua no ámbito familiar.
Fonte: Gulfnews
16 de abril de 2011
Un recente estudo indica que as 6.000 linguas modernas do mundo poderían ter descendido dunha única lingua ancestral falada por humanos prehistóricos de África hai entre 50.000 e 70.000 anos.
Fonte: The Wall Street Journal
Boletín
Subscríbase ao boletín
