Canto.cat quere ser unha ferramenta de promoción das linguas catalá e occitana a través da música. A proposta consiste na organización de catro grandes concertos simultáneos en Xirona, Lleida, Reus e Vic.
Fonte: Generalitat de Catalunya
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de outubro de 2010
19 de outubro de 2010
O vicepresidente do Goberno catalán, Josep-Lluís Carod-Rovira, instou o sector xurídico a utilizar de maneira normalizada a lingua catalá. Ademais, destacou que a Generalitat "puxo ao alcance de todos todas as ferramentas necesarias" para un "uso correcto" da lingua no ámbito xurídico.
19 de outubro de 2010
A conselleira de Cultura do Goberno vasco, Blanca Urgell, reiterou no Parlamento que o Goberno vasco eliminará a aplicación de multas aos comercios previstas no decreto de dereitos lingüísticos dos consumidores e usuarios que elaborou o anterior Executivo de Ibarretxe.
Fonte: El Correo
19 de outubro de 2010
A Consellería valenciana de Educación distribúe 5.000 exemplares da guía de conversa chinés-valenciano a través das oficinas de promoción do valenciano e as oficinas Tourist Info para promover este idioma entre os cidadáns de orixe chinesa que viven en territorio valenciano.
Fonte: El País
18 de outubro de 2010
A Universidade de Leipzig inaugura os primeiros estudos de Tradutoloxía de Alemaña en lingua catalá. Esta universidade será tamén a primeira do país que ofrecerá esta titulación nas catro linguas iberorrománicas.
Fonte: Avui
18 de outubro de 2010
O Concello de Zas, a través do Servizo de Normalización Lingüística (SNL), asinou uns convenios con distintas asociacións culturais e deportivas do municipio co fin de normalizar o uso da lingua galega no tecido asociativo.
Fonte: SNL do Concello de Zas
18 de outubro de 2010
Na actualidade son arredor de dez mil as persoas que falan o aragonés, sen contar un número indeterminado de aragoneses que, nos últimos anos, o aprenderon nun intento por impulsar unha lingua que corre o risco de desaparecer.
Fonte: Radio Huesca
18 de outubro de 2010
O Partido Nacionalista Vasco presentou unha proposición de lei no Congreso dos Deputados para cambiar ao éuscaro os nomes das tres provincias do País Vasco, de maneira que a partir de agora sexan coñecidas como “Araba-Álava”, “Gipuzkoa” e “Bizkaia” no canto de “Álava”, “Guipúzcoa” e “Vizcaya”.
Fonte: La Información
18 de outubro de 2010
O ministro de Educación e Ciencia de Armenia, Armen Ashotyan, e o seu homólogo xeorxiano, Dmitry Shashkin, asinaron un protocolo de acordo entre os ministerios dos dous países.
Fonte: PanARMENIAN
15 de outubro de 2010
Máis de 700 actividades, repartidas por toda Galicia e dirixidas a rapaces e rapazas dos 3 aos 18 anos, integran este ano o programa Bocaberta, que a Secretaría Xeral de Política Lingüística avanzou en Santiago de Compostela.
Fonte: Xunta de Galicia
Boletín
Subscríbase ao boletín
