O parque nacional escocés do Loch Lomond e Trossachs levará a consulta o borrador do seu programa sobre a lingua gaélica, no que explicará como promoverá o uso da lingua nativa tanto nas autoridades como no propio parque. Segundo a Lei da lingua gaélica do ano 2005, os organismos públicos están obrigados a crear programas de lingua gaélica que garantan un futuro para o gaélico escocés por medio da mellora do seu status e a creación de oportunidades para o seu uso.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de xaneiro de 2011
28 de xaneiro de 2011
Na provincia chinesa de Qinghai, no noroeste do país, formaranse, ata 2015, 5.500 profesores bilingües para ensinar chinés e linguas das minorías étnicas, principalmente tibetano, en escolas de ensino primario e secundario.
Fonte: News.Xinhuanet.com
28 de xaneiro de 2011
A Fundación da Lingua Española puxo en marcha dúas novas ferramentas didácticas, baseadas nas tecnoloxías da información, para estender a nivel internacional a aprendizaxe do español grazas a un portal web e a unha emisora de radio.
Fonte: El Mundo
28 de xaneiro de 2011
O secretario xeral de Política Lingüística, Anxo Lorenzo, incidiu no programa Bocaberta como unha aposta do seu departamento pola dinamización do galego a través das entidades locais e como un “exemplo de cooperación cos concellos no fomento do uso do idioma”.
Fonte: Xunta de Galicia
28 de xaneiro de 2011
O Consello Xeral do departamento francés dos Pirineos Atlánticos e a súa Inspección Académica asinaron un convenio para promover o ensino en lingua occitana. No concello de Billère abrirá unha escola bilingüe, a primeira da zona.
Fonte: La République des Pyrénées
27 de xaneiro de 2011
O catalán sumouse ás máis de 40 linguas nas que se oferta o portal de vídeos YouTube, xestionado por Google.
Fonte: El Mundo
27 de xaneiro de 2011
A Academia da Lingua Asturiana (ALLA) organiza dúas convocatorias anuais de coñecemento da lingua nas que se poden avaliar os coñecementos básicos de asturiano. A institución ten aberta a convocatoria de xaneiro, que se celebrará o día 29, con dúas partes, unha de lingüística e outra de lingua e sociedade, que inclúen unha proba escrita e outra oral.
Fonte: Asturnews
27 de xaneiro de 2011
Música, palabra, teatro, cantigas tradicionais e moitos xogos. Os Axóuxeres regresan con forza para facer gozar os máis pequeniños da casa coa lingua galega. E fano retomando a edición 2010-2011 deste programa co que a Secretaría Xeral de Política Lingüística pretende favorecer a incorporación do galego á comunicación entre as familias e os bebés.
Fonte: Xunta de Galicia
26 de xaneiro de 2011
O xefe dos Servizos de Lingua Nacional do Instituto Nacional de Investigación e Desenvolvemento da Educación (INIDE), António Chamuongo, afirmou que neste ano lectivo se consolidará o ensino das linguas nacionais na educación primaria. O Ministerio da Educación e o Departamento de Linguas Nacionais elaborou manuais para o ensino do umbundu, kimbundu, kikongo, kwanhama, ianeka, chokwe e nganguela.
26 de xaneiro de 2011
O modelo está pensado para analizar calquera situación de bilingüismo e será publicado proximamente no New Journal of Physics. A última versión deixa aberta unha fiestra á esperanza da pervivencia da lingua propia de Galicia en forma de bilingüismo estable.
Fonte: Galicia Hoxe
Boletín
Subscríbase ao boletín
