A Universidade de Castela-A Mancha (UCLM) levará a cabo en todos os seus campus, entre os meses de febreiro e xuño, cursos de lingua e cultura chinesas para estudantes, docentes, profesionais e empresarios interesados nesta materia.
Fonte: ABC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de xaneiro de 2011
26 de xaneiro de 2011
O último número da Revista Pragmalingüística, que edita a Universidade de Cádiz, contén un artigo que trata sobre as singularidades da educación en Ceuta. O traballo analiza as especiais complicacións que sofren os estudantes ceutís de cultura musulmá para chegar a adquirir un dominio completo do idioma español e propón posibles vías de mellora.
Fonte: El Faro Digital
26 de xaneiro de 2011
Segundo un novo estudo da Universidade Concordia e a Universidade de York en Canadá e a Universidade de Provenza en Francia, os bebés que aprenden unha segunda lingua desde a infancia están nunha situación de vantaxe respecto aos cativos monolingües.
Fonte: UPI.com
26 de xaneiro de 2011
Máis de 80 académicos asinaron unha carta dirixida a Michael Russell, o secretario de educación escocés, que reivindica a obrigatoriedade da literatura escocesa no sistema educativo e reclama a introdución da lingua escocesa (ou Scots) nas escolas.
Fonte: STV
25 de xaneiro de 2011
O éuscaro é unha lingua cara á que a maioría dos vascos ten unha actitude moi positiva, aínda que o vínculo que establecen con ela garda máis relación coa súa utilidade (o 87 % cre que saber éuscaro dá máis oportunidades) que coa afectividade ou co prestixio (só o 45 % cre que saber éuscaro o proporciona).
Fonte: Diario Vasco
25 de xaneiro de 2011
Todos os partidos cataláns, excepto o PPC, rexeitaron as críticas ao modelo lingüístico catalán vertidas polo dirixente popular andaluz Javier Arenas, que asegurou que o seu partido será “belixerante se se intenta educar a un neno andaluz nunha lingua diferente da súa”, en referencia ao sistema de inmersión lingüística en catalán nos primeiros anos de escolarización en Cataluña.
Fonte: ABC
25 de xaneiro de 2011
A Universidade de Santiago de Compostela (USC) e a Real Academia Galega (RAG) asinarán dous convenios de colaboración por medio dos cales esta institución académica realizará unha gramática do galego actual e un dicionario de apelidos galegos.
Fonte: Europa Press
25 de xaneiro de 2011
A Mesa pola Normalización Lingüística reclamou acabar coa "exclusión e indefensión" dos galegofalantes na formación para sacar o permiso de conducir.
Fonte: Galicia Hoxe
25 de xaneiro de 2011
Os mellores trucos e a maxia da palabra son algúns dos eixes principais das actividades que esta semana levará por 22 concellos de Galicia Bocaberta, o programa de dinamización do galego que promove a Secretaría Xeral de Política Lingüística.
Fonte: Xunta de Galicia
24 de xaneiro de 2011
Arredor de 250 estudantes de ensino secundario da provincia italiana de Udine cursarán durante tres meses materias curriculares como Física, Sistemas Eléctricos, Historia, Literatura Grega e Ciencias en friulano. Esta iniciativa forma parte dun proxecto piloto que aspira a introducir a lingua friulana na educación e está financiado pola Provincia de Udine, a Universidade Ca' Foscari de Venecia e a Universidade de Udine, entre outros.
Fonte: il Friuli.it
Boletín
Subscríbase ao boletín
