Segundo o Ministerio de Cultura, Facebook e Twitter están a deteriorar a habilidade da linguaxe entre os estudantes tailandeses, e as autoridades queren que retomen a tradición de escribir cartas.
Fonte: Terra
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
27 de xullo de 2010
O vicepresidente da Generalitat de Cataluña, Josep Lluís Carod-Rovira, constatou a difusión "extraordinaria" do catalán e a súa consolidación como unha lingua de prestixio no mundo, durante o balance en Barcelona das políticas lingüísticas da Generalitat desde 2004.
Fonte: Europa Press
27 de xullo de 2010
A educación bilingüe non é só unha medida desexable para a transmisión xeracional das linguas ameazadas, senón que pode ser unha ferramenta fundamental para axudar as minorías étnicas a saír da pobreza e acceder ao desenvolvemento económico. Esta é a principal conclusión presentada pola experta en cuestións de minorías das Nacións Unidas, Gay McDougall, despois de efectuar unha misión en Vietnam.
Fonte: Nationalia
27 de xullo de 2010
Un total de trinta persoas participan ata o 4 de agosto nas Xornadas de Formación de Profesorado de Celga, que habilitan para impartir os cursos preparatorios para obter o Certificado de lingua galega (Celga).
Fonte: Xunta de Galicia
27 de xullo de 2010
A Confederación Estatal de Persoas Xordas denuncia falta de intérpretes de lingua de signos en verán
A Confederación Estatal de Persoas Xordas (CNSE) denunciou a falta de intérpretes de lingua de signos, problema que en verán se agudiza polas vacacións estivais.
Fonte: EcoDiario
26 de xullo de 2010
A incorporación do uso do galego ao ámbito socioeconómico recibe un novo pulo a través do convenio que a Consellería de Educación e Ordenación Universitaria e a Confederación de Empresarios de Galicia (CEG) asinarán nos próximos días, e que foi aprobado no Consello da Xunta.
Fonte: Xunta de Galicia
26 de xullo de 2010
Os xuíces volveron ditaminar que o coñecemento do éuscaro debe ser valorado como mérito nas convocatorias de emprego público. Así consta nunha nova sentenza asinada pola Sala do Contencioso-Administrativo do Tribunal Superior de Xustiza de Navarra relacionada cunhas oposicións convocadas polo Servizo Navarro de Saúde-Osasunbidea.
Fonte: Noticias de Navarra
26 de xullo de 2010
A aprendizaxe da lingua vasca na capital alavesa será desde agora máis cómoda e barata para os vitorianos grazas á campaña 'Euskaraz maite zaitut' (Quérote en éuscaro), presentada polo Concello.
Fonte: El Correo
26 de xullo de 2010
A Plataforma en Defensa do Ensino Público entregoulle ao Síndic de Greuges (Valedor do Pobo da Comunidade Valenciana), José Cholbi, as primeiras queixas dos alumnos que queren estudar en valenciano e que non poden porque a Consellería de Educación no lles garante o seu dereito.
Fonte: El País
26 de xullo de 2010
Con motivo da chegada do Día do Pavillón de Nixeria na Exposición Universal de Shanghai 2010, o Instituto de Confucio nixeriano realizará un adestramento en idioma chinés para os funcionarios do Ministerio de Comercio.
Fonte: CRI
Boletín
Subscríbase ao boletín
