Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Aínda que o Ministerio de Educación checo introduciu cursos de lingua, cultura e historia romanís en escolas de ensino primario e secundario, estes non se están a impartir en ningunha escola e, segundo expertos de asuntos relacionados co pobo xitano, a comunidade romaní parece non mostrar interese na iniciativa.
Fonte: České Noviny
A empresa Microsoft, o Instituto de Lingüística Teórica e Computacional e a Asociación da Lingua Mirandesa están a desenvolver un proxecto tecnolóxico innovador para preservar o ensino e a divulgación do mirandés, a segunda lingua oficial de Portugal.
Fonte: Diário Digital
Acción Cultural do País Valenciano (ACPV) puxo en marcha unha campaña que pretende potenciar o uso social do valenciano na Comunidade buscando “a mobilización de miles de valencianos” arredor dunha rede de Comisións pola Lingua a nivel municipal e educativo.
Fonte: ABC
A Mesa pola Normalización Lingüística, a través do seu presidente, Carlos Callón, dirixiuse ao presidente da Xunta, á presidenta do Parlamento e ao presidente de Movistar para pedirlles medidas precisas de apoio ao galego en todas as actividades que Movistar está a desenvolver en Galicia.
Fonte: Código Cero
A lingua galega quere contribuír á promoción da diversidade lingüística e cultural coa súa presenza na Expolingua de París 2011. A Secretaría Xeral de Política Lingüística participa nesta feira internacional na que se dan cita un total de 50 idiomas e 200 expositores de múltiples países do mundo.
Fonte: Xunta de Galicia
Só un 2 % dos pais que residen en Alacante, capital, usa o valenciano para dirixirse aos seus fillos, unha porcentaxe que se eleva ao 18 % no caso das parellas que matriculan a súa prole nalgún dos 13 colexios de infantil e primaria, ou nos cinco institutos que ofrecen programas de inmersión lingüística.
Fonte: El País
O festival de tradución ao galego de software libre que se celebrou en outubro de 2010 na vila de Ordes segue a ter repercusión, en boa medida a través das súas contribucións aos modelos de localización de programas á lingua galega que están por vir, para os que asenta alicerces importantes.
Fonte: Código Cero
A Consellería de Educación deseñou un sistema propio para acreditar os seus docentes co obxectivo de potenciar a participación na impartición de materias nun idioma estranxeiro, que poderían chegar a supor o 33 % do horario escolar segundo o decreto do plurilingüismo.
Fonte: Galicia Hoxe
O sistema literario galego é unha vía imprescindible para a extensión e dignificación social da lingua galega, así como para a súa proxección exterior. Por iso, a Secretaría Xeral de Política Lingüística pretende reforzar a súa colaboración coas entidades que mellor coñecen este ámbito.
Fonte: Xunta de Galicia
Xurde Blanco, o avogado que iniciou un litixio coa Administración do Principado de Asturias a consecuencia da denegación dun permiso laboral solicitado en lingua asturiana por un funcionario, continúa vixiando o cumprimento por parte da Administración da Lei de uso e promoción do asturiano.
Fonte: La voz de Asturias
Subscríbase ao boletín
