Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Un total de 85 alumnos e alumnas procedentes de 27 países de todo o mundo aprende galego este verán na Universidade de Santiago de Compostela (USC). Fano a través do Curso de Lingua e Cultura Galegas para Estranxeiros e Españois de fóra de Galicia, que organizan o Instituto da Lingua Galega (ILG) e a Real Academia Galega e que financia a Secretaría Xeral de Política Lingüística.
Fonte: Xunta de Galicia
Con carácter experimental, cinco institutos de ensino secundario (IES) comezarán a impartir unha terceira lingua estranxeira de cara ao próximo curso, concretamente, catro deles portugués e un alemán.
Fonte: Región Digital
A Asociación pola Defensa das Linguas e as Culturas Ameazadas pediu por unanimidade que se respectasen os dereitos dos falantes de asturiano. Nunha resolución feita pública pola asociación, solicitaron unha serie de medidas ao presidente do Principado de Asturias baseándose na "vontade dunha gran maioría de asturianos que, despois de anos, reclama o respecto aos seus dereitos como falantes de asturiano".
Fonte: La Voz de Asturias
O grupo de traballo Dominios Europeos Culturais e Lingüísticos presentou na sede de Bruxelas do Parlamento Europeo o dominio .cat como un exemplo para outras comunidades culturais e lingüísticas como a bretoa (.bzh), a galesa (.cym), a vasca (.eus), a galega (.gal) e a escocesa (.scot).
Fonte: Directe
Alumnos de idades comprendidas entre 10 e 15 anos asisten a un campamento de verán que se está a celebrar na cidade de Badaxoz, en réxime de internado, onde aprenden o idioma e a cultura portuguesas dun xeito lúdico, participativo e divertido.
Fonte: Europa Press
Nunha iniciativa que forma parte dun convenio asinado polo Ministerio de Educación, en 40 centros da rexión de Bío-Bío impartiranse clases de mapuche, o que beneficiará a máis de 4.000 nenos.
Fonte: Bío Bío
A Irmandade Xurídica Galega (Ixuga) outorgoulle a medalla de ouro ao Colexio de Avogados de Santiago de Compostela, en recoñecemento polo labor a prol do fomento do uso e prestixio do idioma galego que desenvolve a través do seu Servizo de Asesoramento Lingüístico.
Fonte: CTNL
A ministra de Cultura, Angeles González-Sinde, apoiou as decisións do Parlamento catalán respecto da lei de cine. Ademais destacou que "o Ministerio na súa Lei de cine tamén ten previstas axudas a películas en versión orixinal e en linguas cooficiais".
Fonte: Galicia Hoxe
Os estudantes surafricanos poderán aprender na súa primeira lingua durante os primeiros anos de escola segundo un novo plan do Goberno. Esta medida foi ben acollida no país.
Fonte: CBSNews
O secretario xeral de Política Lingüística, Anxo Lorenzo, presentou en Valencia o novo marco educativo no sistema non universitario de Galicia, o Decreto 79/2010. Fíxoo durante a I Xornada sobre Plurilingüismo na Comunidade Valenciana.
Fonte: Xunta de Galicia
Subscríbase ao boletín
