A Universidade de Calgary na provincia canadense de Alberta e os membros de goberno da Nación Indíxena Tsuu t'ina comezaron a desenvolver un programa para preservar a lingua tsuu t'ina que está actualmente ao bordo da extinción.
Fonte: Toronto Sun
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
12 de xaneiro de 2011
11 de xaneiro de 2011
Un informe da Ofsted (Oficina de Normas de Educación do Reino Unido) mostra un acusado descenso do número de alumnos que estudan linguas estranxeiras a partir dos 14 ou 16 anos e indica, ademais, que as clases de francés, alemán e español quedan reducidas a miúdo a técnicas de aprendizaxe de memoria destinadas a preparar os alumnos para os exames.
Fonte: The Telegraph
11 de xaneiro de 2011
O proxecto Medi Terra, unha colaboración entre tres pequenas editoriais de Córsega, Sardeña e Cataluña, ten como obxectivo achegar as literaturas corsa, sarda e catalá mediante a publicación simultánea de obras orixinais nas linguas de cada un destes lugares.
Fonte: La Mañana
11 de xaneiro de 2011
Ciutadans anunciou que ofrecerá asesoramento legal aos pais que desexen pedir ás escolas ou ao Departamento de Ensino da Generalitat de Catalunya que a lingua vehicular sexa tanto a castelá como a catalá, de acordo co que sinala unha sentenza do Tribunal Supremo.
Fonte: ADN
11 de xaneiro de 2011
O Parlamento de Galicia ofrecerá no primeiro trimestre de 2011 un curso de galego co obxectivo de contribuír a perfeccionar a produción oral e incrementar a eficacia da expresión dos deputados, mediante o reforzo da comprensibilidade e a fluidez discursiva.
Fonte: El Progreso
11 de xaneiro de 2011
O Centro Ramón Piñeiro para a Investigación en Humanidades vén de publicar novos materiais inéditos que afondan na figura e na obra de Uxío Novoneyra.
Fonte: Xunta de Galicia
11 de xaneiro de 2011
O vicedirector da Real Academia Española, José Antonio Pascual, criticou na Universidade de Salamanca a “falta de claridade" da linguaxe administrativa e o uso inadecuado que se fai das palabras técnicas por parte dos profesionais cando non falan con colegas.
Fonte: ABC
11 de xaneiro de 2011
Un total de 14 concellos galegos acollerá durante esta semana múltiples actividades de Bocaberta, o programa co que a Secretaría Xeral de Política Lingüística busca promover o uso do galego entre os rapaces e as rapazas de 3 a 18 anos.
Fonte: Xunta de Galicia
10 de xaneiro de 2011
"As linguas indo-portuguesas: ¿que futuro?" é o tema dunha conferencia pronunciada por Hugo Cardoso, do departamento de Portugués da Universidade de Macau, que terá lugar no Museu do Oriente de Lisboa.
Fonte: Diário Digital
10 de xaneiro de 2011
A pesar de que o maia é unha das linguas máis faladas en México, con 1,4 millóns de falantes en 2005, os estereotipos da sociedade mestiza cara ao indíxena e a falta de oportunidades para quen adoita empregar linguas nativas como o maia, son dous dos factores que puxeron este idioma nun proceso de substitución lingüística.
Fonte: El Porvenir
Boletín
Subscríbase ao boletín
