A presidenta da Comisión de Xustiza Plural da Cámara Alta (senadores) de Bolivia, Sandra Soriano, informou que as leis orgánicas da nación serán traducidas a linguas nativas para socializalas.
Fonte: Prensa Latina
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de xuño de 2010
A Biblioteca Municipal de Ponferrada vén de acoller a entrega de galardóns dos V Premios Xarmenta de Debuxo, un certame que promove a Asociación Berciana da Lingua “Xarmenta” e que está dirixido ao alumnado de Lingua galega do Bierzo.
Fonte: Xunta de Galicia
25 de xuño de 2010
O Parlamento armenio deulles a aprobación preliminar ás controvertidas emendas que poderían permitir escolas de linguas estranxeiras no país.
Fonte: RFERL
25 de xuño de 2010
O secretario xeral de Política Lingüística, Anxo Lorenzo, participou no ciclo de conferencias Atlándida, un foro de reflexión e debate promovido polo Instituto Ourensán de Estudos Sociais e Políticos “Atlántida”.
Fonte: Xunta de Galicia
25 de xuño de 2010
A Consellería de Educación e Ordenación Universitaria e a Universidade de Santiago de Compostela asinarán un convenio de colaboración para continuar co programa de actuacións en materia de investigación lingüística para o ano 2010, a través do Instituto da Lingua Galega (ILG).
Fonte: Xunta de Galicia
24 de xuño de 2010
O Senado está moi preto de abrir finalmente as súas sesións plenarias ás catro linguas autonómicas, aínda que unicamente no debate das mocións e non nas sesións de control ao Goberno. Se finalmente esta reforma se produce, non entrará en vigor ademais ata 2011.
Fonte: Europa Press
24 de xuño de 2010
A Academia das Letras de Paquistán traballa pola promoción non só da literatura urdú, senón tamén de todas as linguas de Paquistán, e publicou unha escolma de literatura en guxaratí por primeira vez na historia da literatura paquistaní.
Fonte: The News
24 de xuño de 2010
O Goberno de Zambia afirmou que os nenos terán que estudar unha lingua local, xunto co inglés, desde o primeiro curso ata o cuarto para axudalos a adquirir as habilidades iniciais básicas de ler e escribir nas linguas locais.
Fonte: People´s Daily Online
24 de xuño de 2010
O pasado venres 18 de xuño xuntáronse os membros do xurado para elixir as persoas gañadoras da cuarta edición do concurso Lingua de Amor, certame do Consello da Xuventude de Galicia (CXG). O obxectivo principal deste concurso é dinamizar o uso da lingua galega entre a xente nova nas súas comunicacións a través da rede e nos espazos de lecer.
Fonte: CTNL
24 de xuño de 2010
A lingua aragonesa non formará parte do currículo aragonés e non se ofertará como materia optativa no sistema educativo ata o curso 2011-2012.
Fonte: Aragón Digital
Boletín
Subscríbase ao boletín
