A Xunta, a través do Consorcio Audiovisual de Galicia, prevé poñer en marcha o próximo ano 2011 un circuíto de salas de cinema públicas que acollan a emisión de películas en galego.
Fonte: Galicia Hoxe
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de xuño de 2010
O secretario xeral de Política Lingüística, Anxo Lorenzo, e o presidente da Federación de Autónomos de Galicia (Feaga), Paulino Franco, asinaron un convenio de colaboración para potenciar o uso da lingua galega na actividade e no funcionamento desta última entidade, así como entre o colectivo de traballadores autónomos galegos que nela se integran.
Fonte: Xunta de Galicia
03 de xuño de 2010
Máis dun centenar de universidades iberoamericanas asinou un convenio para regular o funcionamento do Sistema Internacional de Certificación do Español como Lingua Estranxeira (SICELE).
Fonte: ABC
03 de xuño de 2010
O Síndic de Greuges (equivalente ao Valedor do Pobo), José Cholbi, volveu emitir outra resolución en favor do mesmo trato ás dúas linguas oficiais da Comunidade Valenciana (castelán e valenciano), e especialmente no ámbito das administracións públicas.
Fonte: El País
03 de xuño de 2010
O Centro de Visión por Computador da Universidade Autónoma de Barcelona (CVC-UAB) deseñou un prototipo dun sistema visual con videocámara que interpreta a lingua de signos española e que permite a persoas xordas comunicarse en sitios de información públicos.
Fonte: Europa Press
03 de xuño de 2010
Co obxectivo principal de facer chegar ás familias a necesidade de coidar e transmitir a lingua galega, o Servizo de Normalización Lingüística do Concello de Redondela e mais os Equipos de Normalización e Dinamización Lingüística dos centros de ensino da localidade poñen en marcha a campaña "A mellor escola, a casa. Fálalle galego".
Fonte: CTNL
02 de xuño de 2010
O curso pasado 138.223 alumnos estudaban en valenciano na escola primaria, pero tan só 58.626 deron continuado os seus estudos en valenciano no ciclo de secundaria. Polo tanto, 79.697 alumnos que cursaron primaria en valenciano non o puideron facer no nivel superior obrigatorio.
Fonte: El País
02 de xuño de 2010
Radio Television Malaysia (RTM) centrarase na lingua malaia nos seus programas, dado que está convencida de que a lingua pode forxar unhas relacións máis estreitas entre as diversas comunidades do país.
Fonte: Bernama
02 de xuño de 2010
O controvertido decreto sobre os dereitos lingüísticos dos consumidores, que impón a case a metade do sector comercial vasco a obrigación de rotular e atender en éuscaro, entrará en vigor o próximo 17 de xullo.
Fonte: El Correo
02 de xuño de 2010
A campaña "A la universitat en català!" (¡Na universidade en catalán!) ten como obxectivo reclamar que o catalán ocupe, nas universidades, o lugar que lle corresponde como lingua propia de Cataluña e tamén facer tomar consciencia da importancia da presenza axeitada desta lingua na docencia e a investigación universitarias.
Fonte: Plataforma per la Llengua
Boletín
Subscríbase ao boletín
