O Servizo de Linguas Modernas (SLM) da Universidade de Huelva publicou a súa oferta de cursos 2024-2025 de linguas estranxeiras en dúas modalidades: presencial e en liña.
Fonte: Aula Magna
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de xullo de 2024
19 de xullo de 2024
“Agustín Sixto Seco (1926-2004). Médico e valedor da cultura e lingua galegas”. Este é o texto da placa colocada á beira do busto en bronce coa efixie do médico e intelectual galeguista quen, entre outros, presidiu o Padroado Rosalía de Castro e a Fundación Otero Pedrayo.
Fonte: O Portal da Lingua Galega
19 de xullo de 2024
A Xunta vén de convocar por un importe total de 266 414 € un total de 10 bolsas de formación nos proxectos de investigación que se desenvolven no Centro Ramón Piñeiro para a Investigación en Humanidades, dependente da Consellaría de Cultura, Educación, Formación Profesional e Universidades. As persoas interesadas que cumpran os requisitos establecidos poderán enviar a súa solicitude a través da sede electrónica.
18 de xullo de 2024
A lingua catalá está cada vez máis presente nas comunicacións e os produtos das grandes empresas grazas ao Emmarca't, un proxecto que aproxima a lingua catalá ás grandes marcas por medio de estratexias de márketing baseadas na proximidade e na satisfacción da clientela.
Fonte: Generalitat de Catalunya
18 de xullo de 2024
O Goberno da República de Irlanda creou "Gréasán Gaeilge na hEarnála Poiblí", unha rede de gaélico irlandés para funcionariado público que desexe entrar en contacto con outros falantes para mellorar ou practicar as súas habilidades lingüísticas.
Fonte: Irish Central
18 de xullo de 2024
O Goberno do País de Gales presentou un proxecto para que o obxectivo de atinxir o millón de falantes de galés para o ano 2050 adquira rango de lei.
Fonte: BBC
17 de xullo de 2024
O secretario xeral da Lingua, Valentín García, asistiu en Santiago de Compostela á sesión solemne da Academia Xacobea que materializou o ingreso de catro novos membros académicos: Pilar Vázquez Janeiro, Piotr Roszak, Manuel Lázaro e John Rafferty.
Fonte: O Portal da Lingua Galega
17 de xullo de 2024
A Universidade da Coruña (UDC) inaugurou en Carballo o XVII Curso de Verán sobre Dinamización Lingüística Traballando en linguas nas redes sociais que conta co apoio da Secretaría Xeral da Lingua da Xunta de Galicia e o Concello de Carballo.
Fonte: UDC
17 de xullo de 2024
O Goberno da Generalitat de Cataluña recorreu a suspensión por parte do Tribunal Superior de Xustiza do decreto que regula o uso das linguas nas escolas catalás.
Fonte: El País
17 de xullo de 2024
O profesor emérito da USC Emilio Montero Cartelle será o novo presidente da Asociación de Historia da Lingua Española, logo de ser reelixido para outro mandato no XIII Congreso Internacional de Historia da Lingua Española, que tivo lugar na cidade suíza de Zürich.
Boletín
Subscríbase ao boletín
