Un informe elaborado polo Consello de Europa recoméndalles ás autoridades da Illa de Man que amplíe o ensino do gaélico manés no ensino infantil e primario.
Fonte: Isle of Man Today
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de outubro de 2024
18 de outubro de 2024
O investigador neerlandés Bas van Boekholt, da Universidade de Osnabrück, demostrou que os chimpancés son capaces de inventar o seu propio código de lingua de signos.
Fonte: Dutch News
18 de outubro de 2024
A actual coordinadora do Departamento de Linguas e Cultura da Universidade de São José de Macao, Tânia Ribeiro Marques, asegurou que a excolonia portuguesa conta coas infraestruturas e os profesionais necesarios para converterse no principal centro de ensino do portugués en toda Asia.
Fonte: Plataforma Media
18 de outubro de 2024
A TVG2 estrea Gardiáns da Noite, a versión dobrada ao galego de Kimetsu no Yaiba, que tamén estará dispoñible na plataforma Xabarín.gal. Esta emisión busca revitalizar o uso do galego nos contidos xuvenís, seguindo o camiño de éxitos como Dragon Ball ou Doraemon. A TVG procura conectar cunha nova audiencia e fomentar a normalización lingüística a través de series actuais de alta calidade.
18 de outubro de 2024
A Consellería de Educación, Cultura, Universidades e Ocupación, en colaboración con À Punt Media, presentou novos materiais para a plataforma "Apunts de Llengua", dirixidos ao profesorado de diversas etapas educativas. Os contidos, dispoñibles en valenciano e inglés, facilitan o ensino e aprendizaxe a través de recursos dixitais, como vídeos, audios e actividades autocorrectivas. A iniciativa, financiada pola Generalitat, busca fomentar competencias lingüísticas e conta cunha dotación de 600 000 euros.
18 de outubro de 2024
O programa de Cinema Infantil en Catalán (CINC), impulsado polo Departamento de Política Lingüística, reactivouse en outubro con 185 proxeccións en 28 localidades de Cataluña e 2 da Franja de Aragón. O obxectivo é promover o consumo de cine en catalán, mediante reestreas a prezos reducidos. A programación inclúe filmes dobrados grazas ao apoio do Departamento, e contará coa colaboración de diferentes entidades e concellos.
18 de outubro de 2024
A Deputación da Coruña abriu unha convocatoria de subvencións para financiar o persoal técnico de normalización lingüística no ano 2025. Esta axuda está dirixida a concellos con máis de 5000 habitantes ou a agrupacións que alcancen esa cifra. No caso dos grandes municipios, só poderán optar os que conten con máis dun perfil técnico recoñecido no seu cadro de persoal.
17 de outubro de 2024
A Xunta confía en acadar pronto o consenso político ao redor do Pacto pola Lingua proposto aos grupos parlamentarios entre as medidas de impulso do galego porque “sería unha boa nova no relativo á percepción da poboación con respecto ao seu uso”.
17 de outubro de 2024
O Euskaltegi de Durango lanza de novo o programa Berbalagun co obxectivo de fomentar o uso do éuscaro no día a día. Esta iniciativa ofrece a oportunidade de practicar a lingua nun ambiente relaxado e ameno, a través de grupos de conversación e diversas actividades como talleres, excursións, charlas e clubs de lectura. Ademais, inclúe grupos específicos para o uso do éuscaro en contornos laborais ou sociais.
17 de outubro de 2024
Ambas as entidades asinaron un convenio de colaboración para 2024, cunha achega de 2600 euros destinada a actividades de normalización lingüística. Este acordo busca promover a cultura local e a lingua valenciana e financiará eventos como as Trobades d’Escola en Valencià, o Concurso Literario Sant Jordi, o Outubro Cultural e a campaña de Nadal.
Boletín
Subscríbase ao boletín
