Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O proxecto de lei de acollida para fomentar a autonomía dos inmigrantes aprobado polo Goberno catalán prevé que a Generalitat de Catalunya emita un certificado que acreditará o grao de integración dos inmigrantes en Cataluña. Este documento certificará que o inmigrante adquiriu os coñecementos básicos da lingua e a sociedade catalás, así como que coñece o mercado laboral.
Fonte: El Debat
A manifestación, organizada polo Movemento Montreal Francés, ten como obxectivo a defensa da lingua francesa en Quebec e máis concretamente na función pública.
Fonte: Branchez-vous
O secretario xeral de Política Lingüística, Anxo Lorenzo, presentou o programa Bocaberta de dinamización do uso do galego entre os rapaces e rapazas. Bocaberta xorde da colaboración impulsada entre a Secretaría coas principais editoriais e unifica nun único programa diferentes actividades xa presentes en anos anteriores, pero con maior participación e orzamento e máis iniciativas.
Fonte: Xunta de Galicia
A Coordinadora Galega de Equipos de Normalización e Dinamización Lingüística fixo público un tríptico para as familias dos estudantes no que deixan claro con "datos rigorosos e estudos científicos" que "o galego ten que ser tamén lingua de aprendizaxe".
Fonte: Galicia Hoxe
O sindicato CIG-Ensino presentou unha reclamación por vía administrativa no Rexistro Xeral da Xunta na que insta o Executivo autonómico a paralizar o proceso de consulta aos pais sobre o uso do idioma nas aulas.
Fonte: Europa Press
O alfabeto caboverdiano, aprobado en xaneiro de 2009, vai comezar a ser divulgado en todo o país a partir de mediados deste mes a través dos medios de comunicación.
Fonte: Expresso
O Goberno destinou en 2008 un total de 1,2 millóns de euros á aprendizaxe da lingua de signos nos centros educativos e aos medios de apoio á comunicación oral das persoas con discapacidade auditiva.
Fonte: EcoDiario
Os socios do Goberno de Aragón, PSOE e PAR, ultiman un pacto que permita sacar adiante a Lei de linguas. O texto está pendente desde hai dez anos, desde que a Lei de patrimonio de 1999 establecese que debía aprobarse outra lei para regular as modalidades lingüísticas que se falan nesta terra, entre as que citaba expresamente o catalán.
Fonte: ABC
O conselleiro valenciano de Educación, Alejandro Font de Mora, destacou a vontade da Generalitat de prestar a máxima cooperación ao proxecto de ensino da lingua, cultura e civilización romanesas.
Fonte: Europa Press
O presidente da Mesa pola Normalización Lingüística, Carlos Callón, pediulle ao conselleiro de Cultura, Roberto Varela, que poña en marcha políticas para "garantir o dereito a poder vivir en galego" no sector turístico e que se "implique" no ámbito editorial.
Fonte: Europa Press
Subscríbase ao boletín
