O mocoví, o tapiete, o vilela e o wichi son as catro primeiras linguas indíxenas faladas en Arxentina incorporadas ao Arquivo Dixital de Linguas do Laboratorio de Documentación e Investigación (DILA).
Fonte: Bariloche 2000
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de xuño de 2009
A Fundación da Confederación Estatal de Persoas Xordas e a Obra Social Caja Madrid asinaron un convenio de colaboración para a edición de materiais didácticos dirixidos ao ensino da lingua de signos española (LSE) como segunda lingua entre nenos e mozos oíntes.
Fonte: Europa Press
04 de xuño de 2009
A nova base de datos de dereito e lexislación lingüísticos xa se pode consultar en internet (http://www.gencat.cat/llengua/bdjuridica). Esta base contén leis, disposicións, xurisprudencia, doutrina, bibliografía e outros documentos sobre dereito e lexislación lingüísticos, basicamente de Cataluña e España.
04 de xuño de 2009
A Deputación Foral de Biscaia introduciu o éuscaro no desenvolvemento dun proxecto europeo para a formación no uso da devandita lingua dos membros dos servizos de emerxencia, sobre todo, os operadores das centrais de comunicacións (SOS Deiak, Bombeiros, Ertzaintza...).
Fonte: ADN
04 de xuño de 2009
A Unión Federal de Nacionalidades Europeas (Federal Union of European Nationalities, FUEN) e a Academia Europea Bozen/Bolzano (European Academy Bozen/Bolzano, EURAC) lanzaron a súa nova rede lingüística en Bozen (Tirol do Sur). Esta nova rede promoverá o plurilingüismo e a diversidade lingüística centrándose nas linguas rexionais e minoritarias.
Fonte: Eurolang
04 de xuño de 2009
Doraemon. Odisea no espazo, o novo título en galego desta exitosa serie de debuxos animados, xa está dispoñible en DVD nas principais cadeas comerciais de Galicia e do resto do Estado.
Fonte: Xunta de Galicia
04 de xuño de 2009
O secretario xeral de Política Lingüística, Anxo Lorenzo, realizou a primeira toma de contacto desde o seu nomeamento cos responsables dos servizos de normalización lingüística das universidades. Lorenzo transmitiulles a intención da Secretaría Xeral de Política Lingüística de manter as colaboracións e iniciativas en común que as entidades teñen en marcha, así como o seu desexo de comezar a planificar novos proxectos de cara ao vindeiro ano 2010.
Fonte: Xunta de Galicia
03 de xuño de 2009
Coccisugi é o nome da nova asociación dedicada á valorización e á promoción da lingua e a cultura occitanas.
Fonte: Sud Ouest
03 de xuño de 2009
O 66,5 % da poboación cre que o ensino en éuscaro debería ofertarse en toda Navarra, mentres que o 14,2 % opina que debería reducirse á zona vascófona e o 8,7 % só ás zonas vascófona e mixta. Respecto aos modelos educativos, dous terzos das familias enquisadas matricularían o seu fillo en modelos con presenza do éuscaro (D, B e A), e destes o 26,3 % elixiría o D (integramente en éuscaro, agás a materia de lingua castelá).
Fonte: Noticias de Navarra
03 de xuño de 2009
Impulsar a obrigatoriedade do ensino da lingua maia nos niveis básicos, pedir a creación de centros de formación de educadores indíxenas ou facer requisito indispensable o uso da lingua maia en todas as dependencias gobernamentais son algunhas das propostas e conclusións do foro “Retos no ensino da lingua maia”.
Fonte: Por esto!
Boletín
Subscríbase ao boletín
