A Consellería de Educación e Ordenación Universitaria fixo público o cuestionario, que se lles remitirá ás familias dos 330.000 alumnos galegos, sobre a utilización das linguas no ensino non universitario de Galicia.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de xuño de 2009
05 de xuño de 2009
Un xuíz belga recoñeceu que un municipio flamengo violara os principios constitucionais de igualdade e de non-discriminación ao prohibir a fixación de carteis electorais en francés no seu territorio.
Fonte: Libération
05 de xuño de 2009
Os francófonos definíanse ata o momento como os que tiñan o francés como lingua materna. Agora tamén se consideran as persoas que teñen un bo coñecemento do francés e as que o empregan na casa. Deste xeito, a poboación francófona pasou de constituír o 4,4 % da poboación de Ontario ao 4,8 %.
Fonte: Les Affaires
05 de xuño de 2009
A organización "Se Hace Camino Nueva York" está atenta a que as cadeas de farmacias cumpran cos acordos logrados coa Fiscalía Xeral do estado, que as obriga a ofrecer o servizo de interpretación a clientes que non falen inglés.
Fonte: El Sentinel
05 de xuño de 2009
Os corpos de espionaxe e contraterrorismo de EE.UU. seguen sen poder traducir unha gran parte do material que obteñen ou interceptan.
Só o 13 % dos preto de 25000 empregados desa axencia fala un idioma distinto ao inglés e moi poucos coñecen os de Asia central e as variedades de árabe que actualmente constitúen a súa principal preocupación.
Fonte: Excelsior
05 de xuño de 2009
Unha resolución emitida polo Ministerio de Educación de Paraguai establece a utilización da lingua de signos nas institucións educativas, o que a converte nun idioma recoñecido igual que o castelán ou o guaraní.
Fonte: ABC Digital
05 de xuño de 2009
O Consello da Xunta aprobou o decreto que regula o currículo na etapa de infantil e a principal novidade refírese ao emprego do galego.
No que se refire ao tratamento das linguas oficiais, o texto, que non foi facilitado por escrito, limitaríase a obrigar a Administración educativa a que adopte as medidas oportunas para a configuración progresiva dun sistema educativo bilingüe.
Fonte: La Voz de Galicia
05 de xuño de 2009
Os decretos aprobados polo anterior Departamento de Educación vasco que fixaban o éuscaro como lingua principal nas etapas de Infantil e Bacharelato teñen os seus días contados. Xa o advertiu o novo Goberno autónomo e o Tribunal Superior vasco estreitou aínda máis o cerco ao suspender de maneira cautelar a aplicación de ambos nos artigos que fixan a lingua vasca como a vehicular na escola.
Fonte: El País
04 de xuño de 2009
Unha maioría de deputados federais pronunciouse en contra do proxecto de lei do Bloque Quebequés que propoñía a aplicación da Carta da Lingua Francesa (coñecida como a Lei 101) nas empresas federais de Quebec rexidas polo Código canadense do traballo.
Fonte: La Presse Canadienne
04 de xuño de 2009
Os candidatos cataláns ás eleccións europeas avalan unha eventual entrada do Principado de Andorra na UE, aínda que a condicionan a que deixe de ser un paraíso fiscal, e ven nesta argumentos para que o catalán se converta en lingua oficial nas institucións comunitarias.
Fonte: Europa Press
Boletín
Subscríbase ao boletín
