A oitava edición do Enreguéifate comeza coa presentación das novidades do certame que promove a regueifa, unha expresión tradicional da poesía oral galega, como medio para fomentar o uso da lingua entre a mocidade. O evento inclúe obradoiros para docentes e estudantes, e un concurso de regueifas en vídeo, con novas categorías e premios. A campaña está impulsada por varios concellos galegos e subliña a importancia desta tradición como ferramenta didáctica e cultural.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de outubro de 2024
09 de outubro de 2024
A Deputación da Coruña lanza a campaña 'Un outono cheo de letras' para promover a lectura e o libro en galego, coa cidadanía como protagonista a través do cancelo #UnOutonoCheodeLetras. As persoas participantes poden gañar bonos-libro de 100 euros para gastar en librerías da provincia. A iniciativa subliña a importancia do sector editorial no proceso de normalización lingüística e destaca os premios que a Deputación organiza para fomentar a creación literaria en galego.
09 de outubro de 2024
A Xunta de Galicia, representada no seu secretario xeral da Lingua, Valentín García, e no seu director xeral de Gandaría, Agricultura e Industrias Agroalimentarias, Silvestre José Balseiros, participou no acto de entrega dos XVI Premios Bacelos de Prata á adega Pazo Lalón e á empresa láctea Kaléikoi.
08 de outubro de 2024
O distrito paraguaio de Yhú, do departamento de Caaguazú, converterase na capital do idioma guaraní e será un modelo de xestión lingüística na promoción e difusión do seu uso nos diferentes ámbitos da interacción social.
08 de outubro de 2024
A comisión de Cultura, Educación, Comunicación e Deportes do Senado francés elaborou un informe onde solicita a creación dun programa Erasmus que promova a lingua francesa na esfera internacional.
Fonte: Diari de la Llengua
08 de outubro de 2024
A final do concurso galego de freestyle CeibaRimas celebrarase o sábado 12 de outubro en Pontevedra para promover o uso do galego entre a mocidade. O evento inclúe batallas de rap improvisado, concertos de artistas consolidados e emerxentes, e repartirá premios en metálico e agasallos. O CeibaRimas busca normalizar o uso da lingua galega no ámbito da cultura urbana.
08 de outubro de 2024
Un xulgado de San Sebastián declarou "desproporcionado e discriminatorio" esixir o coñecemento de éuscaro para todos os postos de limpeza en albergues nunha convocatoria de emprego da Deputación Foral. O sindicato CC. OO. defende que é posible compatibilizar os dereitos lingüísticos e laborais, tendo en conta que non todo o persoal de limpeza ten contacto directo co público, o que limita a necesidade do perfil lingüístico.
08 de outubro de 2024
O conselleiro de Educación, Ciencia, Universidades e FP, Román Rodríguez, participou na inauguración da exposición «José Rodríguez. O matemático de Bermés», organizada pola Real Academia Galega de Ciencias en colaboración coa Xunta de Galicia.
07 de outubro de 2024
O Parlamento de Kirguizistán realizou unha proba de proficiencia de lingua kirguiz para determinar o nivel que os parlamentarios e o funcionariado da administración teñen da lingua vernácula.
Fonte: AKIpress
07 de outubro de 2024
O Tribunal Superior Electoral do Brasil (TSE, polas súas siglas en portugués) traduciu carteis con información electoral a dúas linguas indíxenas, guaraní e nheengatu, en sete estados brasileiros.
Fonte: Sbt News
Boletín
Subscríbase ao boletín
