A Generalitat de Catalunya comeza unha campaña informativa de inspección para comprobar se o sector da hostalería cumpre coa lei de política lingüística.
Fonte: Avui
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
16 de marzo de 2009
As principais organizacións da publicidade española firmarán un acordo en defensa do bo uso do idioma nos anuncios e mensaxes comerciais, que promoveu a Fundación do Español Urxente.
Fonte: ADN
16 de marzo de 2009
Tras un encontro na cidade de Bogotá de trinta líderes das comunidades afrodescendentes, xitanas, palenqueros (falantes da lingua palenque) e indíxenas de todo o país discutiuse o proxecto de lei que busca favorecer a protección e o fomento das linguas nativas.
Fonte: Vanguardia
16 de marzo de 2009
O vicepresidente do Goberno catalán, Josep Lluís Carod-Rovira, terminou unha visita de tres días a Ecuador en defensa dos sistemas educativos bilingües.
Fonte: El País
16 de marzo de 2009
A Concellería de Mocidade, Solidariedade e Normalización Lingüística do Concello da Coruña vai realizar cinco obradoiros de Novas tecnoloxías e lingua destinados ás persoas adultas desta cidade.
Fonte: SNL da Coruña
13 de marzo de 2009
O conselleiro de Saúde e Consumo balear, Vicenç Thomàs, respondeu ás críticas efectuadas polo PP en torno ao Decreto do catalán na sanidade, ao asegurar "non crer" que os especialistas e médicos "marchen" de Baleares "pola lingua".
Fonte: Europa Press
13 de marzo de 2009
No seu primeiro acercamento ao sector cultural, Alberto Núñez Feijóo falou durante máis dunha hora coa executiva do organismo asesor e alí escoitou, sobre todo, unha reclamación: que as súas iniciativas en materia lingüística non se perciban como un retroceso na defensa do galego.
Fonte: El País
13 de marzo de 2009
O PP de Cataluña opta por establecer a dobre rede lingüística de escolarización -que lles permita aos pais escoller entre o catalán e o castelán como lingua vehicular das clases- na proposición de lei de educación que rexistrou no Parlamento, que quere ser unha alternativa á elaborada polo conselleiro Ernest Maragall.
Fonte: Avui
13 de marzo de 2009
A Subsecretaría de Educación Básica ten lista a proposta curricular para crear a materia de lingua indíxena en primaria, co que, por primeira vez, as linguas dos pobos indios terán recoñecemento oficial non só no boletín de cualificacións, senón nos plans e programas de estudo do devandito nivel de ensinanza.
Fonte: La Jornada
12 de marzo de 2009
A secretaria xeral de Política Lingüística, Marisol López, defendeu as “vantaxes” que reporta para a cohesión e a integración a diversidade lingüística e cultural e puxo a Unión Europea como exemplo dun “panorama en positivo de concordia, de defensa das singularidades e de reforzamento dos lazos comúns”.
Fonte: Xunta de Galicia
Boletín
Subscríbase ao boletín
