Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Secretaría Xeral de Política Lingüística convoca bolsas de estadías destinadas a investigadores de fóra da Comunidade Autónoma de Galicia para que poidan colaborar nos proxectos de investigación que xa ten en marcha o Centro Ramón Piñeiro para a Investigación en Humanidades.
Fonte: Xunta de Galicia
A directora executiva do Instituto Internacional de Lingua Portuguesa (IILP), Amélia Mingas, defendeu a necesidade dunha acción concertada entre todos os países lusófonos para crear unha verdadeira política de promoción da lingua portuguesa.
Fonte: Lusa
A Wikilengua do español, o espazo en internet sobre o uso práctico deste idioma, cumpriu xa o seu primeiro ano de vida e desde que se puxo en marcha, en xaneiro de 2008, alcanzou os 4,5 millóns de páxinas visitadas e foi consultada por máis de 1,6 millóns de persoas.
Fonte: Galicia Hoxe
O idioma español segue gañando terreo. No máis recente informe do Ministerio de Educación de España dise que o interese e a demanda pola lingua española na República Checa continúa aumentando.
Fonte: Radio Praha
Máis de 500 persoas acudiron á manifestación do pasado 7 de marzo en Oviedo convocadas pola Xunta pola Defensa da Lingua contra a exclusión do asturiano do sistema educativo.
Fonte: El Comercio Digital
A Unión Europea e a India asinaron unha declaración conxunta para reforzar a cooperación e o diálogo sobre a diversidade lingüística e o diálogo intercultural, segundo informou EuAsiaNews.
Fonte: SmasHits
Este curso está dirixido a estudantes da Universidade Politécnica de Madrid interesados na cooperación co desenvolvemento. O obxectivo é que os futuros cooperantes aprendan suahili, un idioma que os achegará ás persoas ás que teñen que prestar axuda.
Fonte: Universia
Xa está dispoñible na rede o Atlas Mundial Galego na súa versión en probas, onde se poderán consultar os exónimos e a súa adaptación ao galego.
Fonte: CTNL
Unha enquisa lingüística, a primeira deste tipo, comeza a realizarse formalmente esta semana, co obxectivo de identificar, preservar e promover as linguas e dialectos utilizados en Nepal.
Fonte: Nepalnews
O anuncio de Feijóo de derrogar o decreto que promove o ensino en galego provoca a reacción inmediata da Mesa pola Normalización mediante a convocatoria dunha protesta na capital de Galicia no mes de maio, malia que os conservadores aínda non asumiron o poder.
Fonte: A Nosa Terra
Subscríbase ao boletín
