O portavoz do BNG no Congreso, Francisco Jorquera, denunciou que as empresas enerxéticas Repsol e Endesa "exclúen" o galego na atención ao cliente, tanto no envío e xestión de facturas como na atención oral aos cidadáns.

Fonte: Mundo Galiza

A xente escoitou tanto que o xigante chinés vai ser a potencia do século XXI que acabou aceptándoo. E, como postula o Teorema de Thomas, 'se unha situación é definida como real, ten efectos reais'. Neste caso, a teoría cúmprese non só nas monstruosas cifras macroeconómicas que adoitan provir do xigante asiático, senón tamén en asuntos máis simples e persoais coma a aprendizaxe de idiomas. "A demanda de chinés incrementouse claramente nos últimos anos", comenta Pilar Díaz, vicedirectora da Escola Oficial de Idiomas de Madrid Jesús Maestro, que ensina este idioma desde 1964.

No DOG número 172, do 5 de setembro, publícase a Orde pola que se convocan as probas de habilitación profesional para a tradución e a interpretación xurada dos seguintes pares de linguas: galego-castelán, galego-éuscaro, galego-catalán, galego-portugués, galego-alemán e galego-romanés.

Fonte: CTNL

Aragón é unha comunidade multilingüe tal e como en 1982 foi recollido no seu Estatuto de Autonomía. Con todo, tiveron que pasar 25 anos ata que, coa aprobación do actual Estatuto de 2007, se considerara a creación dunha lexislación que regule e protexa o catalán, falado na Franja aragonesa, e o aragonés, que sobrevive nos vales pirenaicos.

Fonte: Público