A Área de Normalización Lingüística abriu unha nova convocatoria de axudas para fomentar o uso do galego en teses de doutoramento e traballos de fin de grao e de mestrado, cun total de 12 000 euros. Os importes variarán entre 600 euros para as mellores teses e 150 para os TFG e TFM. As solicitudes, que poderán facerse ata o 30 de setembro, deberán acreditar a realización do traballo en galego e unha cualificación mínima de 9 nos TFG e TFM.

Actualmente existen en Macau 3000 alumnos e alumnas estudando portugués. Trátase de alumnado desde infantil até secundaria.

Fonte: Plataforma Media

A Comarca Alto Gállego publicou un mapa interactivo, accesible mediante un código QR, titulado "Topónimos de Serrablo", no que se recollen os nomes de fontes, camiños e montes de vinte localidades. O traballo, elaborado por Miguel López Otal, baséase en entrevistas realizadas nos anos setenta e oitenta a antigos habitantes da zona, o que permitiu rescatar así unha valiosa memoria lingüística e cultural. A iniciativa busca consolidar a lingua aragonesa conservada na toponimia local.

A Asociación Cultural S.I.R. La Devesana organiza a exposición "Palabra e memoria nas parroquias de Ortigueira", na que o historiador Jerónimo Martínez documenta a evolución do uso do galego en inscricións funerarias de vinte cemiterios entre 1972 e 2024.

Fonte: Consello da Cultura Galega