O primeiro ministro de Portugal, Luís Montenegro, insta os estados da Comunidade dos Países de Lingua Portuguesa (CPLP) a que unan esforzos para que o portugués se converta en lingua oficial da ONU até 2030.
Fonte: ECO Sapo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de maio de 2024
O presidente do Principado anunciou que convocará unha reunión cos grupos parlamentarios e representantes da Academia da Lingua Asturiana na segunda quincena de maio para negociar a modificación do artigo 4 do Estatuto de Autonomía e impulsar a oficialidade do asturiano e o eonaviego.
06 de maio de 2024
Segundo esta asociación, a lei ignora a presenza do galego no Bierzo, unha lingua que nin se menciona, e só fai referencia ao patrimonio lingüístico pero sen concretar a regulación xurídica.
Fonte: Bierzo TV
06 de maio de 2024
O secretario xeral da Lingua, Valentín García, asistiu no Museo Pedagóxico de Galicia (MUPEGA) á gala de entrega dos XX premios literarios Frei Martín Sarmiento deste curso así como os correspondentes ao certame audiovisual REC.curta, organizados por Escolas Católicas coa colaboración da Secretaría Xeral da Lingua.
06 de maio de 2024
O secretario xeral da Lingua, Valentín García, participou na lectura continuada en homenaxe a Nélida Piñón que se celebrou no Auditorio Neira Vilas da Biblioteca de Galicia, na Cidade da Cultura.
Fonte: O Portal da Lingua Galega
06 de maio de 2024
Representantes do Parlamento de Escocia alertaron que a porcentaxe de ensino do gaélico escocés nas escolas escocesas é inferior ao 1%. Este dato torna necesaria a aprobación dunha lei no parlamento que garanta o ensino da lingua vernácula.
Fonte: TES Magazine
05 de maio de 2024
O 5 de maio, as Nacións Unidas conmemoran o Día Mundial da Lingua Portuguesa. Trátase dunha data de importancia mundial xa que, en palabras do seu secretario xeral, o portugués António Guterres, a lingua portuguesa "é un tesouro inestimable que transcende fronteiras e océanos" e é un “vehículo dunha riqueza cultural extraordinaria que une comunidades e nacións en diferentes partes do mundo”.
Fonte: ONU News
03 de maio de 2024
O ministro da Lingua Francesa do Quebec, Jean-François Roberge, anunciou a implantación dun plan de 603 millóns de dólares que, durante 5 anos, fortalecerá e promocionará a lingua francesa.
Fonte: Global News
03 de maio de 2024
Os ministerios de cultura de diferentes países nórdicos asinaron unha declaración conxunta que garantirá a protección e fortalecemento das súas comunidades lingüísticas, desde o noruegués, sueco, islandés e finés, até o dinamarqués, saami, feroés e groenlandés. Tamén se inclúen nesta declaración as linguas de signos e as linguas de minorías que levan anos afincadas na rexión nórdica.
Fonte: Nordic Co-operation
03 de maio de 2024
Itzuli é un tradutor automático neuronal baseado na intelixencia artificial capaz de realizar traducións de gran calidade do éuscaro ao castelán, francés e inglés. Agora opta a un premio de carácter internacional promovido por Red Hat cuxa votación xa está aberta.
Fonte: Gobierno Vasco
Boletín
Subscríbase ao boletín
