O conselleiro de Cultura, Lingua e Xuventude, José López, e o reitor da Universidade de Santiago de Compostela (USC), Antonio López, participaron no acto de entrega dos XIX Premios á Calidade Lingüística, uns galardóns promovidos pola USC co apoio da Xunta de Galicia co fin de impulsar o uso da lingua galega na elaboración e na defensa oral dos traballos desenvolvidos polo alumnado da universidade compostelá.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de abril de 2024
19 de abril de 2024
A nova lei de Educación de Letonia establece que o alumnado que rexeite o estudo do ruso como segunda lingua estranxeira antes do 21 de xuño poderá aprender outra lingua estranxeira diferente a partir do próximo ano lectivo.
Fonte: Baltic News Network
19 de abril de 2024
As autoridades chinesas destituíron un profesor dunha escola primaria da provincia de Sichuan tras incentivar o uso da lingua tibetana entre o seu alumnado, medida que foi prohibida en centros de ensino.
Fonte: Radio Free Asia
18 de abril de 2024
Este certame ten como obxectivo fomentar a creatividade da mocidade universitaria e desenvolver a súa capacidade de expresión en lingua galega, así como descubrir potenciais figuras no ámbito literario. Poden presentarse obras de calquera xénero cunha extensión máxima de 8000 palabras.
18 de abril de 2024
A Associació Metges-Salut pel Català nace para promover o uso do catalán no ámbito da saúde. Entre as súas propostas figuran un plan de acollida para residentes ou a creación dunha figura para velar pola aplicación da política lingüística en cada centro.
Fonte: Públic
18 de abril de 2024
As plataformas dixitais poderán solicitar axudas para a incorporación do catalán, o occitano e a lingua de signos catalá en longametraxes e series. Estas axudas enmárcanse na acción do Goberno para incrementar a presenza do catalán no ámbito audiovisual.
Fonte: Generalitat de Cataluña
18 de abril de 2024
O secretario xeral de Política Lingüística, Valentín García, participou na apertura oficial do XIV Congreso Internacional da Asociación Internacional de Estudos Galegos (AIEG), que arranca na cidade portuguesa de Braga e cuxo obxectivo é crear un espazo para a reflexión sobre a relación entre Galicia e os estudos galegos e a denominada lusofonía.
17 de abril de 2024
Un grupo de persoas voluntarias e profesionais de diversas áreas presentaron Simi, unha nova aplicación móbil destinada a ensinar quechua básico dunha forma amena.
Fonte: Los Tiempos
17 de abril de 2024
O Consello Portugués para os Refuxiados lanzou dúas publicacións para que as persoas demandantes de asilo ou protección internacional poidan aprender a lingua portuguesa.
17 de abril de 2024
Destinarase unha partida de 3,7 millóns de euros para subvencionar o proceso de aprendizaxe do éuscaro do alumnado dos euskaltegis da Comunidade Autónoma Vasca que obteña o A1, A2, B1, B2, C1 e C2.
Fonte: Gobierno Vasco
Boletín
Subscríbase ao boletín
