Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Generalitat de Cataluña e 3Cat presentaron SuperCampus, unha plataforma educativa con contidos educativos en catalán vinculados ao currículo escolar que ofrece recursos para os docentes que complementen a aprendizaxe na aula.
Fonte: Diari de la Llengua
A Academia Valenciana da Lingua reedita a campaña «En valencià» que percorrerá entre o 6 e o 22 de maio 26 poboacións para fomentar o uso do valenciano entre a veciñanza dun xeito divertido.
Fonte: Ajuntament de Dénia
Os dous cursos en liña de linguaxe xurídica galega (un de nivel medio e outro de nivel superior) están destinados ao persoal ao servizo da Administración de Xustiza que preste servizos fóra de Galicia.
Fonte: Consello da Cultura Galega
O primeiro ministro de Portugal, Luís Montenegro, insta os estados da Comunidade dos Países de Lingua Portuguesa (CPLP) a que unan esforzos para que o portugués se converta en lingua oficial da ONU até 2030.
Fonte: ECO Sapo
O presidente do Principado anunciou que convocará unha reunión cos grupos parlamentarios e representantes da Academia da Lingua Asturiana na segunda quincena de maio para negociar a modificación do artigo 4 do Estatuto de Autonomía e impulsar a oficialidade do asturiano e o eonaviego.
Segundo esta asociación, a lei ignora a presenza do galego no Bierzo, unha lingua que nin se menciona, e só fai referencia ao patrimonio lingüístico pero sen concretar a regulación xurídica.
Fonte: Bierzo TV
O secretario xeral da Lingua, Valentín García, asistiu no Museo Pedagóxico de Galicia (MUPEGA) á gala de entrega dos XX premios literarios Frei Martín Sarmiento deste curso así como os correspondentes ao certame audiovisual REC.curta, organizados por Escolas Católicas coa colaboración da Secretaría Xeral da Lingua.
O secretario xeral da Lingua, Valentín García, participou na lectura continuada en homenaxe a Nélida Piñón que se celebrou no Auditorio Neira Vilas da Biblioteca de Galicia, na Cidade da Cultura.
Fonte: O Portal da Lingua Galega
Representantes do Parlamento de Escocia alertaron que a porcentaxe de ensino do gaélico escocés nas escolas escocesas é inferior ao 1%. Este dato torna necesaria a aprobación dunha lei no parlamento que garanta o ensino da lingua vernácula.
Fonte: TES Magazine
O 5 de maio, as Nacións Unidas conmemoran o Día Mundial da Lingua Portuguesa. Trátase dunha data de importancia mundial xa que, en palabras do seu secretario xeral, o portugués António Guterres, a lingua portuguesa "é un tesouro inestimable que transcende fronteiras e océanos" e é un “vehículo dunha riqueza cultural extraordinaria que une comunidades e nacións en diferentes partes do mundo”.
Fonte: ONU News
Subscríbase ao boletín
