O Concello de Pamplona e Euskaltzaindia (Real Academia da Lingua Vasca) renovaron o seu convenio anual de colaboración para o asesoramento lingüístico en materia de éuscaro, cunha dotación de 12 000 euros para 2026. A academia prestará apoio técnico ao consistorio, emitirá informes e certificacións lingüísticas e promoverá actividades culturais e de difusión da lingua vasca na cidade.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
16 de marzo de 2026
16 de marzo de 2026
A plataforma Queremos Galego presentou o protocolo Lingua Vital, un documento con arredor de 300 medidas para reforzar o uso do galego ante o que cualifican de “emerxencia lingüística”. O texto, elaborado por 57 entidades e apoiado por case 400 organizacións, propón actuacións en ámbitos como educación, administración, cultura ou medios de comunicación, entre elas aumentar a docencia en galego, garantir o coñecemento da lingua nos servizos públicos e recuperar o papel normalizador da TVG.
13 de marzo de 2026
O Parlamento de Gales aprobou unha lei que recoñece oficialmente a lingua de signos británica (BSL, polas súas siglas en inglés) e que busca mellorar os dereitos e a accesibilidade da comunidade xorda. A nova lexislación obriga o goberno galés a desenvolver medidas para promover o uso da BSL e afrontar as desigualdades que historicamente afectaron as persoas xordas en ámbitos como os servizos públicos, a educación ou o transporte.
13 de marzo de 2026
O Ministerio de Educación da República de Irlanda abriu unha praza a tempo parcial na área do ensino da lingua portuguesa. A convocatoria está dirixida a persoas cun nivel mínimo B2.2 de portugués segundo o Marco Común Europeo de Referencia para as Linguas, experiencia docente no ensino secundario ou no terceiro ciclo de primaria e boas competencias dixitais.
Fonte: Bom dia
13 de marzo de 2026
O goberno chinés aprobou unha lei de “unidade étnica” destinada a fortalecer unha identidade nacional común e impulsar o uso do mandarín na educación e na vida pública. Analistas e organizacións de dereitos humanos alertan de que a medida consolida políticas de asimilación cultural que afectan especialmente a tibetanos, uigures e mongoles, ao reducir o espazo para as súas linguas e tradicións e aumentar o control estatal sobre estas comunidades.
13 de marzo de 2026
Un datathon organizado pola Universidade de Zaragoza busca reforzar a presenza do aragonés nos sistemas de intelixencia artificial mediante a creación e revisión de datos lingüísticos. Durante a xornada, persoas voluntarias e especialistas supervisan máis de 10 000 oracións traducidas automaticamente para mellorar os recursos dispoñibles para modelos de linguaxe. A iniciativa pretende ampliar o corpus dixital desta lingua, considerada seriamente ameazada pola Unesco, e facilitar a súa integración nas tecnoloxías de procesamento da linguaxe natural.
13 de marzo de 2026
O Departamento de Política Lingüística da Generalitat traballou no último ano con máis de 200 empresas para ampliar a presenza do catalán en webs, aplicacións, manuais, etiquetado e outros servizos dirixidos ás persoas consumidoras. A incorporación da lingua estendeuse a sectores como a restauración, a automoción, a electrónica, a moda, a loxística, o deporte ou os servizos financeiros. A iniciativa busca garantir os dereitos lingüísticos no consumo e consolidar o uso do catalán nos produtos e plataformas de grandes compañías que operan en Cataluña.
13 de marzo de 2026
O Museo da Lingua Portuguesa, situado na Estación da Luz en São Paulo, cumpre 20 anos o 21 de marzo de 2026 e celebrará o aniversario cun programa especial que inclúe visitas guiadas, obradoiros, concertos e actividades educativas.
Fonte: Afubesp
13 de marzo de 2026
O secretario xeral da Lingua, Valentín García, puxo en valor “a contribución ao prestixio e á produción poética en lingua galega” que representa o festival ‘Alguén que respira!’, organizado co apoio da Xunta de Galicia para pór en valor o talento dos nosos creadores e do noso idioma a través da poesía.
Fonte: O Portal da Lingua Galega
13 de marzo de 2026
Ambas as institucións asinaron un convenio para elaborar o mapa sociolingüístico escolar do municipio, co obxectivo de coñecer a situación do galego entre a poboación máis nova. O estudo permitirá dispor dun diagnóstico preciso que sirva de base para impulsar novas accións de normalización lingüística no ámbito educativo.
Fonte: Real Academia Galega
Boletín
Subscríbase ao boletín
