A RTPA anunciou a incorporación gradual do asturiano nos informativos e o primeiro paso vai ser un resumo nesta lingua coas novas máis importantes da xornada na segunda edición de 'TPA Noticias'.
Fonte: Asturies.com
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
08 de xuño de 2023
A Deputación da Coruña organiza un programa de actividades de concienciación lingüística, que inclúe debates e unha ruta guiada, co ensaio O libro negro da lingua galega como fío condutor.
Fonte: Consello da Cultura Galega
08 de xuño de 2023
A Xunta de Galicia promove proxectos para fomentar o uso do galego durante este curso en 858 colexios e institutos sostidos con fondos públicos cunha achega de 350 000 €.
Fonte: O Portal da Lingua Galega
07 de xuño de 2023
O Instituto da Lingua Estoniana acaba de publicar o libro número 35 co que se completa o Dicionario dos Dialectos Estonianos, unha obra lexicográfica de 7300 páxinas.
Fonte: ERR
07 de xuño de 2023
O Parlamento portugués debateu a vinculación plena de Portugal á Carta Europea das Linguas Rexionais ou Minoritarias, paso imprescindible para protexer de xeito eficaz a lingua mirandesa e o dialecto barranqueño.
Fonte: RTP
07 de xuño de 2023
O Consello de Goberno crea o premio Kiroletik Bagoaz Euskaraz, que ten a súa orixe no Plan de Promoción do Éuscaro no Deporte 2021-2024, para recoñecer as asociacións e os particulares que traballan de forma sistemática para fomentar o uso do éuscaro no ámbito deportivo.
Fonte: Gobierno Vasco
07 de xuño de 2023
O volume Persente i feturo de la lhéngua mirandesa: studo de ls usos, atitudes i cumpeténcias lhenguísticas de la populaçom mirandesa, publicado hai dous meses pola Universidade de Vigo, foi citado por varios deputados do Parlamento portugués para esixir unha intervención do Goberno luso na protección do mirandés.
07 de xuño de 2023
Segundo un estudo realizado pola Alianza para a presenza dixital do catalán, as visitas en Google nesta lingua descenderon en dúas de cada tres páxinas web. Así mesmo, o 66,5 % dos sitios web en catalán reduciron a súa visibilidade respecto ao contido equivalente en castelán.
07 de xuño de 2023
O secretario xeral de Política Lingüística, Valentín García, participou no acto de entrega dos V Premios de Podcast Xosé Mosquera Pérez, "O Vello dos contos". De entre os máis de 70 traballos recibidos, resultaron gañadores o Colexio de Atín-Cela de Mos e o Instituto de Cotobade, en Cerdedo-Cotobade, ambos na provincia de Pontevedra.
07 de xuño de 2023
O conselleiro de Cultura, Educación, FP e Universidades, Román Rodríguez, participou na presentación das primeiras ferramentas resultantes do Proxecto Nós, a iniciativa que traballa en incorporar o galego ás novas linguaxes dixitais. Trátase de tres aplicacións sen precedente en Galicia que permitirán a interacción en lingua galega entre as persoas usuarias e os dispositivos tecnolóxicos.
Boletín
Subscríbase ao boletín
