A Xunta de Galicia publicou o regulamento do Plan Proxecta+ destinado aos centros educativos, ao abeiro do que se organizarán varios programas relacionados directamente coa promoción da lingua galega.
Fonte: Consello da Cultura Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de setembro de 2023
Xa está aberta a convocatoria para participar nos programas de promoción do galego do Plan Proxecta+
22 de setembro de 2023
Os Premios Rosalía de Castro de Lingua, que convoca a Deputación da Coruña, recoñeceron na edición deste ano o labor de catro propostas pola súa promoción e dignificación social do galego.
Fonte: Nós Diario
22 de setembro de 2023
Segundo unha enquisa, a oficialidade do catalán en Europa xera un amplo consenso na sociedade catalá, pois os datos mostran que un 70 % das persoas enquisadas está a favor desta posibilidade.
Fonte: El Diario
22 de setembro de 2023
O secretario xeral de Política Lingüística, Valentín García, participou na apertura da VI Xornada da Comisión Especializada de Nomes Xeográficos. O evento, que conta coa colaboración da Xunta de Galicia e da Real Academia Galega, reuniu preto dun cento de persoas do sector da toponimia e da cartografía para tratar a estreita relación existente entre os nomes xeográficos e o mundo dixital.
21 de setembro de 2023
O proxecto Eskuara, creado no marco do programa Lanabes, ten como obxectivo incrementar o uso do éuscaro nas empresas arabesas de máis de 50 traballadores/as e favorecer a igualdade lingüística.
Fonte: Gobierno Vasco
21 de setembro de 2023
Nesta 25.ª edición porase o foco no ámbito socioeconómico, con debates sobre o uso do galego no eido empresarial como sinal de calidade, proximidade e sustentabilidade, ou os dereitos dos usuarios/as e os consumidores/as.
Fonte: Consello da Cultura Galega
21 de setembro de 2023
Medio centenar de personalidades galegas de diferentes ámbitos asinaron o manifesto «Queremos galego tamén non Congreso» co que defenden o uso do galego na Cámara Baixa.
Fonte: Galicia Confidencial
20 de setembro de 2023
A illa escocesa de Tiree é un dos últimos redutos de falantes nativos de gaélico escocés. Unha asociación contratará dúas persoas que velarán pola promoción e protección da lingua vernácula para garantir o seu futuro entre as novas xeracións.
Fonte: The National
20 de setembro de 2023
Un sindicato de profesorado alertou que Finlandia debe reforzar a instrución en finés para que os menores refuxiados procedentes de Ucraína poidan integrarse con maior facilidade.
Fonte: YLE
20 de setembro de 2023
A ampla oferta formativa para a mellora da formación da comunidade universitaria no que respecta á lingua galega inclúe sete cursos que abordan diferentes aspectos relacionados con este idioma.
Fonte: Universidade de Vigo
Boletín
Subscríbase ao boletín
