O Departamento das Gaeltacht (zonas de fala gaélica) da República de Irlanda aprobou un fondo de medio millón de euros para apoiar o ensino do gaélico nas escolas por medio da contratación de auxiliares lingüísticos.
Fonte: Galway Daily
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de febreiro de 2023
17 de febreiro de 2023
O Instituto da Lingua Estoniana revelou a publicación do seu dicionario oficial de estoniano para o ano 2025. A obra de referencia publicarase tanto en liña como en papel.
Fonte: ERR
17 de febreiro de 2023
O Tribunal de Xustiza da Unión Europea confirma a ilegalidade das dúas convocatorias de oposicións da Oficina Europea de Selección de Persoal que limitan ao inglés, francés e alemán a elección do segundo idioma como condición lingüística e como lingua de comunicación entre os candidatos e a oficina, despois de que España e Italia reclamasen a súa anulación.
Fonte: La Voz de Asturias
17 de febreiro de 2023
O Departamento de Cultura abre a liña de axudas a empresas distribuidoras e a estudos de dobraxe para aumentar a oferta de contidos audiovisuais dobrados e subtitulados en catalán nas plataformas de vídeo, en Blu-ray e DVD. As solicitudes para dobrar e subtitular longametraxes e series nesta lingua poden presentarse ata o 30 de outubro.
Fonte: Generalitat de Catalunya
17 de febreiro de 2023
A concelleira de Dinamización Lingüística de Poio presentoulles aos centros de ensino do municipio a campaña #FalaBonito, cuxo obxectivo é fomentar o uso do galego en diferentes niveis educativos.
17 de febreiro de 2023
O proxecto «A cápsula do tempo» está dirixido ás escolas de Educación Infantil, ás que se lles entrega unha caixa con libros que fomentan o emprego do galego, unha bolsa da merenda, lapis de cores ou unha friameira.
Fonte: Concello de Redondela
17 de febreiro de 2023
Como cada 21 de febreiro, a Organización das Nacións Unidas para a Educación, a Ciencia e a Cultura (UNESCO) conmemora en todo o mundo o Día Internacional da Lingua Materna co fin de lembrar a responsabilidade de todas as persoas e Estados na promoción e protección do plurilingüismo e da diversidade lingüística e cultural. Este ano a UNESCO lembra a importancia e a necesidade de educar as crianzas nas súas linguas maternas.
17 de febreiro de 2023
O secretario xeral de Política Lingüística, Valentín García, participou en Estrasburgo na sesión do Intergrupo de Minorías Nacionais e Linguas do Parlamento Europeo para tratar a inclusión do galego, o catalán e o éuscaro na plataforma Online Language Support (OLS) do programa Erasmus +.
17 de febreiro de 2023
O Parlamento de Portugal rexeitou unha proposta do partido de extrema dereita Chega de introducir na Constitución portuguesa o deber de coñecer a lingua portuguesa para poder adquirir a nacionalidade.
Fonte: Política ao Minuto
16 de febreiro de 2023
Ao abeiro desta campaña, que ten como lema «En Outes, en galego!», distribuiranse adhesivos, folletos explicativos, bolsas de tea e outros artigos co obxectivo de fomentar o uso da lingua galega e o consumo no comercio local.
Boletín
Subscríbase ao boletín
