O Principado de Asturias e a Fundación Universidade Oberta de Cataluña colaborarán no desenvolvemento do tradutor automático neural ao abeiro do proxecto TAN-IBE que traballa en sistemas de tradución automática neuronal entre as linguas románicas da península ibérica.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
16 de maio de 2023
16 de maio de 2023
Spotify está dispoñible en once novas linguas, o que eleva o número total de idiomas a 74, entre as que se incorporan o galego e o éuscaro.
Fonte: El Progreso
16 de maio de 2023
A Escola Galega de Administración Pública organiza, en colaboración coa Secretaría Xeral de Política Lingüística, dous cursos de linguaxe xurídica galega (un de nivel medio e outro de nivel superior) destinados ao persoal da Administración de Xustiza que preste servizos fóra de Galicia.
Fonte: Consello da Cultura Galega
16 de maio de 2023
A Xunta de Galicia, a través da Consellería de Cultura, Educación, FP e Universidades, e a distribuidora alimentaria Vegalsa-Eroski botan a andar un ano máis a campaña Letras Galegas para festexar o 17 de maio e homenaxear a Francisco Fernández del Riego cunha tirada especial de bolsas e carteis que chegarán a 215 establecementos da rede Eroski e Autoservicios Familia.
15 de maio de 2023
A parlamentaria groenlandesa Aki-Matilda Høegh-Dam négase a intervir en dinamarqués no Parlamento de Dinamarca e fai o seu discurso integramente en lingua inuit. A acción está avivando as tensas relacións que existen entre Dinamarca e o territorio autónomo de Groenlandia.
Fonte: The Guardian
15 de maio de 2023
O ministro de Ensino Superior de Marrocos e o British Council do Reino Unido asinan un acordo para potenciar a aprendizaxe do inglés e a súa avaliación nas universidades públicas do país africano.
Fonte: Morocco World News
15 de maio de 2023
Esta enquisa amosa a situación actual do éuscaro no País Vasco, Navarra e Iparralde e reflicte unha imaxe moi desigual nestes tres territorios: estabilidade na Comunidade Autónoma Vasca, unha lixeira melloría na Comunidade Foral e un empeoramento paulatino no País Vasco francés.
15 de maio de 2023
O proxecto “Modo galego, actívao!”, cuxo obxectivo é a promoción do galego na socialización da infancia e o uso desta lingua nas actividades de lecer, continúa coa realización de cinco actuacións nas escolas de Agro do Muíño, A Igrexa, Barouta, Covas, O Milladoiro, Ventín e A Maía.
Fonte: Concello de Ames
15 de maio de 2023
O vindeiro 30 de maio terá lugar unha sesión formativa sobre o Voluntariado pola lingua dirixida especificamente a entidades relixiosas, na que se realizará unha presentación deste programa e se explicará o seu funcionamento e os materiais de soporte existentes.
Fonte: Generalitat de Catalunya
14 de maio de 2023
O Consell de Mallorca organizou desde febreiro de 2022 arredor de 1800 horas de actividades en diferentes espazos de toda a illa (prazas, escolas, rúas etc.) para fomentar o uso social do catalán nas que participaron máis de 9500 persoas.
Fonte: Crónica Balear
Boletín
Subscríbase ao boletín
