O Premio Pedro Lafuente en aragonés conta con catro categorías: a de narración curta, para textos de 15 a 20 páxinas; a de poesía, para poemas de 100 a 300 versos; a de zagals, para obras orais e escritas destinada a alumnado de infantil e primaria; e a de empresa, para as que favorezan a difusión do aragonés.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
01 de febreiro de 2023
01 de febreiro de 2023
O Concello da Coruña abriu o prazo de inscrición na décima edición do Concurso de Monólogos Cómicos en Lingua Galega, un certame dirixido ao alumnado de secundaria, bacharelato e FP dos centros educativos da cidade que ten como obxectivo de fomentar o uso do galego entre a mocidade.
01 de febreiro de 2023
A Dirección de Vivenda, Solo e Arquitectura e o Centro Vasco de Terminoloxía e Lexicografía, Uzei, lanzaron un dicionario de termos arquitectónicos éuscaro-castelán para impulsar a comunicación en éuscaro neste ámbito. Trátase dun dicionario bilingüe en liña que conta xa con case 5100 vocábulos que se irán ampliando en posteriores fases.
01 de febreiro de 2023
O próximo ano lectivo 2023-2024, Guinea-Bissau contará co primeiro mestrado de Lingua Portuguesa na historia do país e será ofertado pola Escola Superior Tchico Té.
Fonte: RFI
31 de xaneiro de 2023
Unha investigación da Universidade de Leiden (Países Baixos) lembra que o ser humano debe garantir a protección da selva amazónica para poder preservar a súa diversidade lingüística e cultural.
Fonte: MiPutumayo
31 de xaneiro de 2023
A nova normativa sobre os usos lingüísticos nos estudos de grao para a Universidade das Illas Baleares ten dous obxectivos: garantir o dereito á seguridade lingüística e aumentar o uso do catalán na docencia nas titulacións nas que sexa minoritario.
Fonte: Diario de Mallorca
31 de xaneiro de 2023
O Gabinete de Normalización Lingüística decidiu tomar medidas urxentes dada a situación do valenciano na cidade, xa que unha enquisa recente mostra que os datos de uso son preocupantes e mostran o desequilibrio que existe con respecto ao castelán.
Fonte: Levante-EMV
31 de xaneiro de 2023
O volume Os camiños de Santiago, de Europa a Galicia. Lugares, nomes e patrimonio inclúe case trinta traballos sobre a toponimia das rutas xacobeas realizados por investigadores de varias universidades europeas.
Fonte: Real Academia Galega
31 de xaneiro de 2023
O Pazo da Cultura de Carballo acolleu a gala de entrega da sexta edición dos Premios Youtubeiras, uns galardóns que teñen como obxectivo impulsar a creación de vídeos en galego en Youtube.
Fonte: Consello da Cultura Galega
31 de xaneiro de 2023
En total convócanse, na modalidade de teleformación, 27 cursos de linguaxe administrativa galega e tres de linguaxe xurídica galega (niveis medio e superior) para persoal ao servizo das distintas administracións da Comunidade Autónoma de Galicia.
Fonte: Consello da Cultura Galega
Boletín
Subscríbase ao boletín
