A Xunta de Galicia vén de convocar novas prazas de lectorados para reforzar o ensino da lingua, literatura e cultura galegas en tres comunidades autónomas e oito países estranxeiros para o 2023. Así se recolle no Diario Oficial de Galicia, que publicou a convocatoria de 14 prazas, das cales 11 son para persoal bolseiro e tres para persoal contratado, ás que se destina un investimento de máis de 550.000 euros.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
14 de maio de 2023
13 de maio de 2023
Un número cada vez maior de escolas estonianas está mostrando interese por introducir o ensino da lingua finesa no currículo. A razón radica na proximidade xeográfica e nos estreitos lazos culturais que existen entre Estonia e Finlandia.
Fonte: ERR
12 de maio de 2023
Unha manifestación pide protección para a lingua galesa ante a especulación das segundas residencias
A vila galesa de Caernarfon acolleu unha protesta para demandar maior protección para as comunidades de lingua galesa e para esixir unha regulación do mercado inmobiliario das segundas residencias.
Fonte: The Guardian
12 de maio de 2023
O rei Mohammed VI anunciou que a partir de 2024, o Novo Ano Tamazight, o día 5 de maio, será festivo nacional en Marrocos.
Fonte: Nationalia
12 de maio de 2023
A Real Academia da Lingua Vasca-Euskaltzaindia considera que a creación dunha macrorrexión atlántica debe aproveitarse para darlles visibilidade e revitalizar as linguas minorizadas como o galego, o asturiano, o éuscaro, o occitano ou o bretón.
Fonte: Deia
12 de maio de 2023
O número de estudantes de fóra de Cataluña que se matricularon nos cursos de nivel inicial de lingua catalá da Universidade de Barcelona pasou de 264 do curso 2021-22 aos 604 do actual.
Fonte: La Vanguardia
12 de maio de 2023
A Deputación de Pontevedra destinará 125 000 euros a apoiar o mantemento dos servizos de normalización lingüística municipais dos concellos de Valga, Ponteareas, Moaña, A Cañiza e O Porriño neste exercicio de 2023.
Fonte: Deputación de Pontevedra
12 de maio de 2023
A Xunta inaugurou na Biblioteca de Galicia da Cidade da Cultura a exposición «Francisco Fernández del Riego. A cultura galega como motivo de vida», co gallo da celebración o vindeiro 17 de maio do Día das Letras Galegas dedicadas ao autor.
Fonte: O Portal da Lingua Galega
12 de maio de 2023
O director executivo do Instituto Internacional da Lingua Portuguesa, João Laurentino Neves, identificou o grao de escolarización e as novas tecnoloxías como os maiores desafíos que ten a lingua portuguesa no mundo.
Fonte: Balai
11 de maio de 2023
A Xunta de Galicia, a través da Consellería de Cultura, Educación, FP e Universidades, e a empresa galega láctea Feiraco, integrada na Cooperativa Rural Galega CLUN, botan a andar o XI Certame de relatos breves para celebrar o Día das Letras Galegas entre a rapazada incentivando o pensamento creativo e a escrita en lingua galega.
Boletín
Subscríbase ao boletín
