O Concurso Literario Mazarelos, organizado pola Comisión de Normalización Lingüística da Facultade de Filoloxía, chega á súa oitava edición co obxectivo de fomentar a creatividade da mocidade universitaria e desenvolver a súa capacidade de expresión en lingua galega.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
31 de agosto de 2022
31 de agosto de 2022
O secretario xeral de Política Lingüística, Valentín García, participou na presentación das obras Camiño de lenda, de Rafael Fontoira, e Catro mulleres de palabra, coordinado por Marcelino Agís, enmarcadas dentro da décimo terceira edición das xornadas culturais Sanxenxo na Historia, que contan con apoio da Xunta.
31 de agosto de 2022
O Departamento de Educación dos Estados Unidos de América (EUA) e o Ministerio de Educación de España renovaron os seus acordos para promover programas educativos de intercambio multilingüe e multicultural entre os dous países.
Fonte: Language Magazine
30 de agosto de 2022
O Departamento de Educación da rexión neerlandesa de Valonia revelou que cada vez menos alumnado de secundaria escolle o neerlandés como segunda lingua en beneficio do inglés.
Fonte: The Brussels Times
30 de agosto de 2022
O curso escolar comezará en Cataluña sen a obriga de impartir o 25 % das clases en castelán. O Tribunal Superior de Xustiza de Cataluña denegou a petición de establecer medidas cautelares para que o curso comece cunha materia máis nesa lingua.
30 de agosto de 2022
O Concello de Donostia e os euskaltegis e academias homologadas animan a cidadanía a matricularse nos cursos de éuscaro organizados para os próximos meses, dos que se ofrece unha ampla variedade para atender as diferentes necesidades e posibilidades.
Fonte: Noticias de Gipuzkoa
30 de agosto de 2022
Entre o 7 e o 11 de setembro o Festival Revenidas, que se celebra en Vilaxoán, converterase nun escaparate da música en galego con actuacións como a de Sés, Ortiga, Grande Amore, Caamaño & Ameixeiras, Tanxugueiras, Baiuca, Dakidarría etc.
Fonte: Culturagalega.org
30 de agosto de 2022
O labor de catro mulleres permitiu que algúns fragmentos da Constitución de Chile fosen traducidos a catro linguas indíxenas: rapa nui, mapuzungun, aimará e quechua.
Fonte: Interferencia
29 de agosto de 2022
As conselleiras de Administración Pública e de Educación reuniranse en setembro para determinar o nivel lingüístico que se lles esixirá aos empregados públicos de alto rango.
Fonte: Información
29 de agosto de 2022
O Concello de Sarria, coa colaboración da asociación Ergueitas, convoca a 22.ª edición do certame de poesía Fiz Vergara Vilariño, dotado cun premio de 6000 euros, e ao que poderán presentarse textos en galego cunha extensión mínima de 500 versos.
Fonte: El Progreso
Boletín
Subscríbase ao boletín
