Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O colectivo Agerraldia organiza en Bardenas a carreira Santxikorrota para promover o coñecemento do éuscaro e fomentar actitudes favorables cara a esta lingua. A proba celebrarase o 2 de outubro e percorrerá 20 quilómetros.
Fonte: Noticias de Navarra
O 4 de setembro finaliza o prazo de matrícula para a aprendizaxe do éuscaro por parte de persoas adultas no Euskaltegi Zubiarte de Huarte / Uharte no curso 2022-2023.
Fonte: Gobierno de Navarra
A Xunta de Galicia mantivo unha primeira toma de contacto coa asociación cultural Patrimonio Laurentino co obxectivo de comezar a traballar nas actividades culturais que acollerá Vilanova de Lourenzá, co gallo da celebración das Letras Galegas do ano 2023, dedicadas a Francisco Fernández del Riego.
O rock en lingua asturiana será o protagonista dunha das xornadas do Kuivi Pop UP, que se celebra en Oviedo, a través de tres grupos: Dixebra, Skama la Rede e Ochobre.
Fonte: Asturies.com
O Curso de Verão Luso-Austríaco, que se celebra desde 2001, durou dúas semanas durante as que dez estudantes austríacos e dez estudantes portugueses afondaron nos seus coñecementos sobre a lingua, a historia e a cultura de ambos os países.
Carlos callón partirá da súa obra O libro negro da lingua galega para impartir en tres universidades brasileiras un ciclo de conferencias sobre a represión do galego.
Fonte: Galicia Confidencial
O Departamento de Idioma Vietnamita será o primeiro deste tipo co que contará a Universidade Real de Phnom Penh (RUPP), o que resultará beneficioso para os estudantes camboxanos e contribuirá a estreitar relacións con Vietnam.
Fonte: Vietnam +
Bangladesh súmase así aos máis de 70 países onde o Instituto Camões promove o ensino do portugués ao abeiro dun protocolo de colaboración asinado coa Universidade de Daca, o primeiro cunha institución dese país.
O DOG publicou a resolución pola que se convocan, con carácter gratuíto, cursos de linguaxe administrativa galega e cursos preparatorios para os certificados de lingua galega, Celga, que se realizarán en distintos períodos e en varias escolas oficiais de idiomas de Galicia.
Fonte: DOG
O asturiano protagonizou o sábado 20 de agosto unha das xornadas da Feira Internacional de Mostras de Asturias (FIDMA), que por primeira vez dedicou un día a esta lingua.
Fonte: Asturies.com
Subscríbase ao boletín
