O Concello de Portugalete concederá subvencións a asociacións sen ánimo de lucro do municipio para a realización en 2022 de actividades que se desenvolvan integramente en éuscaro.
Fonte: Ayuntamiento de Portugalete
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
08 de agosto de 2022
Esta importante pegada ponse de manifesto nos apelidos da poboación maltesa, xa que entre un 15 e un 30 % son cataláns; nos nomes de paxaros, como demostra o feito de que un 8 % procede tamén desta lingua; ou nos dicionarios de maltés, con presenza de moitas palabras con orixe ou influencia do catalán.
Fonte: El Nacional
08 de agosto de 2022
As axudas para o fomento do uso da lingua catalá, ás que se destina unha partida de 325 000 euros (110 000 máis que o ano anterior), convócanse anualmente para repartir entre concellos e entidades sen ánimo de lucro que realizasen accións de promoción e impulso social do catalán en Baleares.
08 de agosto de 2022
Como parte da celebración do Decenio Internacional das Linguas Indíxenas 2022-2032 e do Día Internacional dos Pobos Indíxenas, o Goberno de México impulsou un programa que ten como obxectivo fomentar a lectura e a escritura nestas linguas.
08 de agosto de 2022
Luke Bishop, un filólogo estadounidense, volve a Galicia en busca de neofalantes, seguindo os seus estudos arredor do galego, despois de completar un mestrado en Lingüística Hispánica na Universidade de Wisconsin.
Fonte: Neofalantes
08 de agosto de 2022
O secretario xeral de Política Lingüística, Valentín García, e Takekazu Asaka, tradutor do galego ao xaponés e embaixador da lingua en Xapón, presentaron tres das súas obras bilingües en xaponés-galego.
Fonte: O Portal da Lingua Galega
08 de agosto de 2022
Augúrase que en 2060 Estados Unidos pode converterse no país do mundo con máis falantes nativos de español. No caso de Guinea Ecuatorial, este é o único país en África onde é oficial. Pola contra, en Marrocos apenas o 1 % da poboación sabe falalo e en Filipinas perde forza fronte ao inglés.
Fonte: Fundéu
05 de agosto de 2022
A asociación a prol da lingua galesa Cymdeithas yr Iaith Gymraeg pediu ao Goberno do País de Gales que todas as escolas poidan ser de inmersión en galés a parir de 2050.
Fonte: Nation Cymru
05 de agosto de 2022
O ministro de Educación de Estonia, Tõnis Lukas, propuxo unha revisión da política de ensino da primeira lingua estranxeira no país báltico. Até este momento, o ruso é a primeira lingua estranxeira que se ensina nas escolas estonianas mais isto responde, segundo o ministro, máis a un hábito que a unha necesidade.
Fonte: Baltic News Network
05 de agosto de 2022
O sindicato universitario do Reino Unido UCU lamenta que a Universidade Leeds Beckett decidise pechar todos os estudos de linguas modernas a partir do novo semestre.
Fonte: UCU
Boletín
Subscríbase ao boletín
