O Concello de Estella-Lizarra aprobou a concesión de axudas económicas para campamentos de verán en éuscaro e para a súa aprendizaxe por parte de persoas maiores de 16 anos.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de agosto de 2022
05 de agosto de 2022
O Concello do Porriño editou a súa primeira Guía de linguaxe inclusiva, un documento práctico que ten como obxectivo erradicar o sexismo e calquera tipo de discriminación do que se repartirán 500 exemplares entre a veciñanza e o persoal municipal.
Fonte: Concello do Porriño
05 de agosto de 2022
O Boletín Oficial da Provincia de Pontevedra publicou as subvencións concedidas a entidades sen ánimo de lucro para a realización de actividades de dinamización da lingua galega tramitadas desde servizos lingüísticos da institución provincial.
Fonte: Deputación de Pontevedra
05 de agosto de 2022
A Universidade de Madeira (Portugal) oferta a partir do outono un curso de portugués como lingua non materna.
Fonte: Dnoticias
04 de agosto de 2022
A canle LaLiga SmartBank TV ofrecerá a opción de acceder á narración e aos comentarios das retransmisións dos partidos de fútbol da Segunda División da tempada 2022-2023 en todas as linguas cooficiais.
Fonte: Asturies.com
04 de agosto de 2022
O Concello de Santurtzi impulsará o coñecemento e o uso do éuscaro no municipio mediante a concesión de axudas entre a poboación que cursou estudos para aprender esta lingua.
Fonte: Deia
04 de agosto de 2022
O secretario xeral de Política Lingüística, Valentín García, asistiu no Pazo de San Roque á presentación das XVII Xornadas Xacobeas Mar por Medio que a Academia Xacobea, en colaboración coa Xunta de Galicia, a Deputación da Provincia de Lugo e o Concello de Ribadeo organiza os días 16, 17 e 18 de setembro na vila de Ribadeo.
03 de agosto de 2022
Dentro do seu plan de acción que promove o ensino en occitano na educación secundaria, a Oficina Pública da Lingua Occitana aposta agora pola introdución desta lingua no ensino universitario.
Fonte: Jornalet
03 de agosto de 2022
Un grupo de investigadores e investigadoras procedentes de Australia desenvolveron un sistema de comunicación tomando como base unha lingua indíxena do Territorio do Norte de Australia. Este novo sistema permitirá axilizar a comunicación entre as persoas e as máquinas.
Fonte: ABC
03 de agosto de 2022
A Casa das Linguas da Universidade de Oviedo ofertará para o curso 2022-2023 a ensinanza de 15 idiomas entre os que non figura o asturiano que se substituíu polo ucraíno.
Fonte: Asturies.com
Boletín
Subscríbase ao boletín
