O espazo #DígochoEu recibiu o premio Alecrín na categoría de defensa da lingua galega da man da Federación de Entidades Culturais Galegas de Cataluña que entrega cada ano en Galicia estes galardóns que recoñecen tamén o traballo doutros proxectos en diferentes ámbitos.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de agosto de 2022
11 de agosto de 2022
Defensores da lingua añú de tres municipios venezolanos organizaron un encontro para conformar un comité para a súa preservación. Entre as ideas que se propoñen están a elaboración dun dicionario deste idioma indíxena ou a organización de cursos para a súa aprendizaxe.
11 de agosto de 2022
Dez anos despois de que finalizase a súa emisión, o concurso Mihiluze volve á televisión vasca con importantes novidades, pero co mesmo obxectivo de xogar e divertirse co éuscaro.
Fonte: EITB
10 de agosto de 2022
Ferrol acollerá ao longo do mes de agosto diferentes actividades gratuítas ao abeiro do programa «Apego de Verán» dirixido ao público infantil co obxectivo de fomentar o uso e a transmisión da lingua galega.
Fonte: El Español
10 de agosto de 2022
Un estudo publicado en Nature Human Behavior indica que os bebés comezan a relacionarse co mundo que os rodea ás poucas horas de nacer, mesmo coas linguas, e xa poden coñecer algunha palabra ás 5 horas do nacemento.
Fonte: Infobae
10 de agosto de 2022
O 9 de agosto conmemórase o Día Internacional dos Pobos Indíxenas, proclamado pola Asemblea Xeral das Nacións Unidas (ONU), que este ano ten como tema o papel das mulleres indíxenas na preservación e a transmisión do coñecemento tradicional.
Fonte: Nueva Rioja
10 de agosto de 2022
O Tribunal Supremo anulou os proxectos lingüísticos de dous centros educativos públicos de Barcelona por incumprir co mínimo do 25 % de castelán, despois de rexeitar os recursos de casación presentados pola Generalitat de Cataluña.
Fonte: Deia
10 de agosto de 2022
O Departamento vasco de Educación destinará o vindeiro curso 2 millóns de euros a subvencións para a posta en marcha de programas de reforzo lingüístico en centros de ensino concertados co obxectivo de paliar as dificultades comunicativas relacionadas co descoñecemento das dúas linguas oficiais, éuscaro e castelán.
Fonte: El Correo
10 de agosto de 2022
A praza de Rafael Dieste de Rianxo acollerá o venres 19 de agosto un concerto-obradoiro da man de García Mc e DJ Mil cuxo espectáculo leva por título A lingua galega na música rap.
Fonte: El Correo Gallego
09 de agosto de 2022
Representantes do pobo guaraní trataron varios temas relacionados coa conservación do seu idioma nun congreso, entre eles, o impulso do seu ensino nas escolas públicas e privada ou o reforzo da súa identidade.
Fonte: ABC
Boletín
Subscríbase ao boletín
