Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Apalpador entregoulle ao Goberno español 10 000 sinaturas, ao abeiro dunha iniciativa da Mesa pola Normalización Lingüística para pedir a igualdade para a dobraxe e a lexendaxe en galego na nova Lei xeral de comunicación audiovisual.
Fonte: Galicia Confidencial
O Consulado do Brasil en Boston (EUA) aprobou un programa que anima a presentar proxectos que teñan como obxectivo divulgar e promover o idioma portugués no exterior. O programa recibe o apoio do Ministerio de Relacións Exteriores do Brasil.
Fonte: Brazilian Times
Un estudo realizado na Universidade de York revelou que unha migración masiva da Idade do Bronce puido causar o espallamento das linguas celtas polas Illas Británicas.
Fonte: New Scientist
Axencias de seguranza indias alertaron de que a China continúa enviando adolescentes tibetanos a campos de adoutrinamento que non respectan nin valoran a cultura de tradución budista nin a lingua tibetana.
Fonte: Hindustan Times
A secretaria de Estado das Comunidades Portuguesas, Berta Nunes, reiterou o seu apoio ás medidas de valorización da lingua portuguesa no estranxeiro coa integración do seu ensino nos currículos escolares.
Fonte: RTP
A fascinación que a cidadanía británica expresa pola cultura de países como o Xapón ou Corea leva a que cada vez máis persoas opten por aprenderen linguas asiáticas. No Reino Unido, o xaponés é a primeira lingua con maior incremento no número de estudantes na plataforma Duolingo e o coreano é a cuarta.
Fonte: The Guardian
Un grupo de usuarios e usuarias do xogo de computador Football Manager iniciou unha campaña para traducilo á lingua galesa. Actualmente o popular videoxogo está traducido a 17 linguas.
Fonte: North Wales Live
O Concello de Santiago de Compostela organiza a Festiña do Apego, cuxo programa inclúe tres espectáculos en galego e que ten como obxectivo crear espazos de uso para esta lingua no ámbito do lecer infantil.
Fonte: Consello da Cultura Galega
Os mercados municipais valencianos disporán de carteis cos nomes dos alimentos en lingua de signos, ao abeiro dunha campaña impulsada desde o concello en colaboración coa Generalitat e a Federación de Persoas Xordas desta comunidade.
Fonte: 20minutos
A palabra catalá escollida como neoloxismo do ano é negacionisme, polo que pronto podería aparecer no Diccionari de la llengua catalana.
Fonte: La Vanguardia
Subscríbase ao boletín
