O número de alumnos que estudan galego nos territorios limítrofes de Castela e León aumenta ata 1115. Así o constatou o secretario xeral de Política Lingüística, Valentín García, na reunión anual de seguimento do programa de promoción da lingua galega no Bierzo e Sanabria, asinado por ambos os gobernos autonómicos hai 20 anos.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de decembro de 2021
09 de decembro de 2021
Un xulgado de Burgos anulou o Plan do éuscaro do Condado de Treviño, despois da impugnación da Junta de Castela e León, por considerar que non existe base legal para a súa declaración como lingua oficial desta comunidade ao non aparecer recollida no Estatuto de Autonomía.
09 de decembro de 2021
A Academia Brasileira de Letras (ABL, polas súas siglas en portugués) lanzou unha nova versión do dicionario en liña da lingua portuguesa.
Fonte: EBC
07 de decembro de 2021
Un conxunto de seis cartas escritas en 1645 na lingua indíxena tupí foron traducidas por primeira vez ao portugués e ofrecen un valioso testemuño do Brasil colonial.
Fonte: Folha de São Paulo
07 de decembro de 2021
O Goberno das illas Baleares, ao abeiro da campaña «I tu, jugues en català?», organiza unha mostra de videoxogos e obradoiros de xogos de mesa para dar a coñecer e promover o uso e o consumo destes produtos en lingua catalá.
Fonte: La Región Internacional
07 de decembro de 2021
A Xunta de Galicia vén de abrir a convocatoria para que os centros educativos deseñen e poñan en marcha programas de integración das familias na actividade da biblioteca escolar ao longo do curso 2021/2022.
Fonte: O Portal da Lingua Galega
07 de decembro de 2021
O Centro Dramático Galego (CDG), unidade teatral da Xunta de Galicia, comeza no Salón Teatro de Santiago de Compostela os ensaios da nova produción A peste, cuxa estrea está prevista para o 20 de xaneiro nese mesmo escenario.
Fonte: O Portal da Lingua Galega
07 de decembro de 2021
O número de alumnos e alumnas que estudan galego nos territorios limítrofes de Castela e León repunta despois de verse afectado pola crise sanitaria o curso pasado. Así o constatou na reunión que mantivo a comisión mixta de seguimento do Programa de promoción da lingua galega no Bierzo e Sanabria, firmado polos gobernos galego e castelán hai 20 anos.
07 de decembro de 2021
O secretario xeral de Política Lingüística, Valentín García, asistiu en Vigo á presentación do libro Querido Paco Barxas. Cartas de Artur Cruzeiro Seixas (1999-2020), no que colabora a Xunta de Galicia.
Fonte: O Portal da Lingua Galega
07 de decembro de 2021
Un proxecto para a divulgación de linguas minoritarias permitirá que o xornal dixital Mensagem de Lisboa teña noticias en crioulo caboverdiano.
Fonte: Público
Boletín
Subscríbase ao boletín
