O Goberno vasco, as tres deputacións forais vascas, os concellos de Vitoria-Gasteiz, Bilbao e San Sebastián, EUDEL e UEMA acordaron unha declaración institucional con motivo do Día Internacional do Éuscaro, que se celebra o 3 de decembro, na que destacan a necesidade de gañar espazos para o uso desta lingua en ámbitos informais.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de decembro de 2021
02 de decembro de 2021
O secretario xeral de Política Lingüística, Valentín García, recibiu os 11 bolseiros e bolseiras que ata finais do 2023 traballarán en varios proxectos do Centro Ramón Piñeiro para a Investigación en Humanidades (CRPIH).
02 de decembro de 2021
A Xunta de Galicia vén de convocar o programa Bibliotecas Escolares Solidarias, que ten como obxectivo estimular o voluntariado cultural en relación coas bibliotecas e a lectura entre o alumnado e as súas familias.
Fonte: O Portal da Lingua Galega
02 de decembro de 2021
O secretario xeral de Política Lingüística, Valentín García, participou na presentación do documental Buenos Aires, a capital do libro galego no exilio. O traballo audiovisual –guionizado, dirixido e producido por Xan Leira– conta co apoio da Xunta de Galicia e ofrece un repaso polo traballo da colectividade na diáspora para manter viva a edición en galego.
02 de decembro de 2021
A Xunta, o Parlamento de Galicia e o Foro Enrique Peinador convocan a XXVIII edición dos Premios de Publicidade en Galego correspondentes ao 2021 co obxectivo de promover o uso da lingua galega no ámbito publicitario en cumprimento do Plan xeral de normalización.
Fonte: Xunta de Galicia
01 de decembro de 2021
O Goberno da China iniciou unha campaña para promover o uso do chinés mandarín en detrimento doutros dialectos e linguas minorizadas como o tibetano ou o uigur.
Fonte: RTP
01 de decembro de 2021
Un informe realizado polo comité de vixilancia de educación do País de Gales constata que o alumnado perdeu habilidades de expresión oral en galés durante o confinamento a causa da covid-19.
Fonte: Nation Cymru
01 de decembro de 2021
Un estudo realizado pola empresa Preply predi que para o ano 2050 o País de Gales superará o millón de falantes de galés. Desde 2020, o país británico gañou 26000 novos falantes.
Fonte: Business News Wales
01 de decembro de 2021
Sortearanse seis premios de 100 euros entre comerciantes e cidadáns que realicen as súas compras en éuscaro nos vindeiros días, para o cal deberán enviarse fotos do vendedor e o comprador por Whatsapp antes do 10 de decembro.
Fonte: El Diario Vasco
01 de decembro de 2021
Este acordo ten como obxectivos fomentar un uso correcto do español na intelixencia artificial e garantir a unidade desta lingua con todas as súas variedades. A iniciativa enmárcase no proxecto LEIA que naceu para normativizar o bo uso do idioma nas máquinas.
Fonte: Real Academia Española
Boletín
Subscríbase ao boletín
