A Xunta de Galicia iniciará o vindeiro ano os traballos para elaborar un plan de dinamización que fomente o uso do galego nas prácticas deportivas. Así o anunciou o conselleiro de Cultura, Educación e Universidade, Román Rodríguez, no Parlamento de Galicia, onde respondeu varias preguntas relacionadas co seu departamento.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de novembro de 2021
25 de novembro de 2021
O secretario xeral de Política Lingüística, Valentín García, participou en Palma de Mallorca no seminario «Educación de inmersión: explorando o que funciona en contextos lingüisticamente diversos en Europa», dedicado aos modelos de ensino en comunidades de Europa con linguas en contacto.
24 de novembro de 2021
A nova ministra de Linguas Oficiais do Canadá, Ginette Petitpas Taylor, afirmou que o seu mandato garantirá a preservación das linguas indíxenas do Canadá e a promoción do francés en todo o país.
Fonte: CBC
24 de novembro de 2021
A Cámara Lexislativa do Distrito Federal do Brasil aprobou a inclusión do español como lingua obrigatoria no ensino medio dos centros públicos.
Fonte: Metrópoles
24 de novembro de 2021
Para festexar os 150 000 seguidores en TikTok, o espazo da CRTVG #DígochoEu anuncia a creación do Premio #DígochoEu, un concurso de vídeos aberto a todos os centros escolares de primaria e secundaria galegos ou de fóra de Galicia que impartan lingua galega.
Fonte: CRTVG
24 de novembro de 2021
O secretario xeral de Política Lingüística, Valentín García, participou na presentación das novas edicións que Editorial Galaxia en colaboración coa Xunta de Galicia elaborou das obras Camiño bretemoso, Remuíño de sombras e De cando o Suso foi carteiro, da autoría de Xosé Neira Vilas.
24 de novembro de 2021
Ata o 30 de novembro, o público poderá escoller as persoas gañadoras dos dous premios do público da segunda edición de Galetiktokers, o certame para impulsar a creatividade en galego entre a mocidade.
Fonte: Concello de Ames
24 de novembro de 2021
O alto tribunal rexeita o recurso de casación presentado pola Generalitat contra unha sentenza que obrigaba a garantir que o castelán fose a lingua vehicular de, como mínimo, o 25 % das materias.
Fonte: El País
24 de novembro de 2021
Plataformas audiovisuais como Netflix, HBO ou Amazon Prime Video deberán ofrecer un 6 % dos seus contidos en galego, catalán ou éuscaro. Así se recollerá na nova lei audiovisual que prepara o Goberno español, que ademais tamén obrigará a incorporar subtítulos nestas linguas sempre que sexa posible.
Fonte: El Periódico
24 de novembro de 2021
A iniciativa, impulsada polo Servizo de Normalización Lingüística municipal, expresa o compromiso das comunidades de montes de Redondela de usar o galego na súa documentación e de esixirlles ás empresas de xestión forestal que os seus escritos (contratos, avisos etc.) estean tamén nesta lingua.
Fonte: Faro de Vigo
Boletín
Subscríbase ao boletín
