Unha campaña pública quere reunir sinaturas a favor de que o inglés se converta na cuarta lingua oficial de Luxemburgo, despois do luxemburgués, alemán e francés.
Fonte: Luxembourg Times
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de setembro de 2021
A Deputación Foral de Biscaia organizou un encontro para reflexionar sobre a situación do éuscaro dentro da diversidade lingüística europea.
Fonte: Noticias de Álava
28 de setembro de 2021
O Concello de Castrocalbón, en Castela e León, puxo en marcha un proxecto para recuperar a toponimia urbana polo que colocará placas en rúas, prazas e camiños coa ortografía asturleonesa.
Fonte: iLeón
28 de setembro de 2021
O Día do Orgullo Neofalante, que se celebra o 1 de outubro, coincidindo coa data de nacemento de Andrés do Barro, ten como obxectivo gañar falantes e espazos de uso para o galego.
Fonte: Consello da Cultura Galega
28 de setembro de 2021
O secretario xeral de Política Lingüística, Valentín García, participou na rolda de prensa de presentación da programación polo 20º aniversario do Día Europeo das Linguas, un día dedicado a celebrar e promover o plurilingüismo en toda Europa.
Fonte: O Portal da Lingua Galega
28 de setembro de 2021
A cidade galesa de Newport aprobou un ambicioso proxecto que pretende incrementar a porcentaxe de falantes de galés en todo o municipio por medio da educación e o emprego.
Fonte: Nation Cymru
28 de setembro de 2021
Nova Zelandia celebra a Semana da Lingua Chinesa cunha importante variedade de actividades que permitirán que a cidadanía neozelandesa se achegue ás tradicións chinesas.
Fonte: Shine News
27 de setembro de 2021
Os centros de saúde de Son Pisà, Santa Catalina, Casa del Mar, Binissalem e Campos acolleron unha acción de protesta para reclamar atención e rótulos en catalán.
Fonte: Diario de Mallorca
27 de setembro de 2021
Baixo o título "O galego ten saúde!", as tres palestras tratarán contidos de psiquiatría, psicoloxía, medicina familiar e comunitaria, farmacia ou toxicoloxía co obxectivo de promover actitudes lingüísticas positivas do alumnado e do profesorado da Facultade de Medicina sobre o exercicio docente e profesional en galego.
27 de setembro de 2021
Os secretarios xerais de Cultura, Anxo M. Lorenzo, e de Política Lingüística, Valentín García, inauguraron na Biblioteca Pública da Coruña Miguel González Garcés, xestionada pola Xunta, a exposición itinerante Asinamos ser libres, unha homenaxe a Xela Arias no marco das Letras Galegas 2021.
Boletín
Subscríbase ao boletín
