A Consellería de Cultura, Educación e Universidade convoca axudas dirixidas a empresas do sector editorial para a edición en galego de recursos didácticos curriculares para o ensino non universitario.
Fonte: Consello da Cultura Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
16 de xuño de 2021
15 de xuño de 2021
A proposición de lei 96 presentada en maio polo ministro de Lingua Francesa do Goberno do Quebec, Simon Jolin-Barrette, pretende recoñecer constitucionalmente o Quebec como nación francófona onde o francés sexa a única lingua oficial.
Fonte: Nationalia
15 de xuño de 2021
A Asociación da Lingua e Cultura Mirandesa (ACLM) investirá medio millón de euros en varias iniciativas para a promoción do mirandés entre as que destaca unha ruta sobre a obra e o pensamento de nove autores ligados á salvagarda desta lingua.
Fonte: RTP
15 de xuño de 2021
O director xeral de Discapacidade do Ministerio de Dereitos Sociais anuncia que abrirá un expediente para declarar as linguas de signos española e catalá, e as súas expresións culturais, como bens de patrimonio cultural inmaterial. O obxectivo é garantir a súa difusión, documentación, investigación e preservación.
Fonte: El Plural
15 de xuño de 2021
A Consellería de Educación e a Federación de Persoas Xordas da Comunidade Valenciana presentan “De llengua a llengua”, unha aplicación para dispositivos móbiles que incentiva o ensino da lingua de signos tanto para persoas xordas como para persoas oíntes co obxectivo de favorecer a inclusión plena deste colectivo na sociedade e de dar a coñecer a súa cultura e as súas características.
Fonte: El Diario
15 de xuño de 2021
A Deputación de Pontevedra entregou os premios do concurso "Xoga coas Manciñas" correspondentes aos anos 2021 e 2020 nun acto no que se destacou a necesidade de que a lingua de signos teña presenza no currículo educativo e se apoiou a iniciativa para a recompilación da lingua galega en lingua de signos.
15 de xuño de 2021
Os XII Premios Rosalía de Castro de Lingua, que recoñecen persoas e entidades que traballan no fomento do galego, recaeron no debuxante Xaquín Marín, na Agrupación Astronómica Ío e no Twitter en galego, que recibirán cada un 2100 euros.
Fonte: Deputación da Coruña
14 de xuño de 2021
Dúas importantes bibliotecas, a Biblioteca Bodleiana de Oxford e a Biblioteca Nacional de Gales en Aberystwyth, cederán por un tempo catro manuscritos medievais escritos en córnico para a exposición "Mes a’n Kemmyn/Out of the Ordinary" en Cornualles. Trátase dos documentos orixinais máis importantes para a conservación desta lingua celta falada en Cornualles.
14 de xuño de 2021
Unha disputa entre o DUP e o Sinn Féin, os dous partidos con máis representación na Asemblea de Irlanda do Norte, pode ameazar o goberno desta zona do Reino Unido. A orixe da disputa está na aprobación dunha lei que garanta a protección do gaélico irlandés.
Fonte: The Guardian
14 de xuño de 2021
A Dirección Xeral de Política Lingüística crea Ep! Interactiu, que ofrece actividades baseadas en imaxes e sons para aprender estruturas sinxelas e vocabulario básico a todas as persoas que queiran aprender a dominar o catalán oralmente ou consolidar o que aprenderon na aula. Este recurso tamén vai dirixido a profesorado para adultos, a través dunha ferramenta con actividades en liña para as súas aulas virtuais.
Fonte: Generalitat de Catalunya
Boletín
Subscríbase ao boletín
