Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O secretario xeral de Política Lingüística, Valentín García, participou no acto de presentación do libro Agochar a memoria nalgures, no que o escritor e profesor José Julio Fernández Rodríguez reflexiona a través da poesía sobre as dificultades ás que nos enfrontamos as persoas no contexto do s. XXI.
Fonte: O Portal da Lingua Galega
Das 6417 persoas rexistradas para realizar a proba de acceso á avogacía correspondente ao ano 2021 só unha realizou o exame en galego. No que respecta ás outras linguas do estado, escolleu o éuscaro tamén un aspirante e 41, o catalán, mentres que o resto optou polo castelán.
Fonte: Nós Diario
O Tribunal Superior de Xustiza de Cataluña ordena que o alumnado poida elixir a lingua na que prefire realizar os exames de selectividade. Poderá escoller entre o catalán, o castelán ou o aranés.
Fonte: El País
A lei establece que polo menos un 50 % das clases se impartirá en catalán para garantir que, ao acabar o período do ensino obrigatorio, o alumnado teña adquirido competencias fluídas nesta lingua e en castelán, ademais dunha terceira lingua estranxeira. O obxectivo é que as dúas linguas oficiais se empreguen na ensinanza para asegurar o proceso de normalización lingüística.
Fonte: La Vanguardia
O Goberno de Taiwán recoñece 16 tribos indíxenas e as súas 16 linguas orixinarias. Malia esta protección legal, unha boa parte das comunidades están inmersas nunha loita contra o reloxo por salvar os seus modos de expresión ancestrais da extinción.
Fonte: The Guardian
Varios cursos de portugués como lingua estranxeira que teñen lugar en Luxemburgo co apoio do Ministerio de Educación teñen cada vez máis persoas interesadas en aprenderen a lingua de Camões. Entre o alumnado hai persoas de fóra de Luxemburgo e tamén un bo número de luxemburgueses.
Fonte: Contacto
A universidade incrementou os créditos en éuscaro do 27,5 % ao 60 % para o curso 2021-2022 no Grao en Traballo Social e segue traballando no seu obxectivo de ofrecer nun futuro a titulación completa nesta lingua.
Fonte: 20 minutos
O importe total das subvencións para incrementar o uso do éuscaro é dun millón de euros e vai dirixido á prensa diaria, ás edicións dixitais e ás emisoras de radio que utilizan principalmente o castelán.
Fonte: Segres
Esta comunidade virtual conta no seu perfil en Spotify con tres listas de música en galego de diferentes estilos musicais: unha con 140 cancións para público infantil, outra con máis de 500 cancións de todos os estilos e unha terceira con máis de 100 panxoliñas de Nadal.
Fonte: Consello da Cultura Galega
Un estudo elaborado na Universidade de Zürich alerta que a perda de diversidade lingüística no mundo está pondo en risco o coñecemento ancestral relacionado co uso das plantas medicinais.
Fonte: The Guardian
Subscríbase ao boletín
