A Consellería de Cultura, Educación e Universidade, representada no seu secretario xeral de Política Lingüística, Valentín García, participou no acto de entrega de premios do Rally Científico Matemático 2020 e 2021, iniciativa promovida pola Igaciencia (Institución Galega de Ciencia) coa colaboración da Xunta de Galicia, por medio da Secretaría Xeral de Política Lingüística.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de xuño de 2021
03 de xuño de 2021
Un total de oito centros educativos concertados non comparten a repartición equitativa das horas para o valenciano e para o castelán exposta na lei do plurilingüismo impulsada pola Consellería de Educación, xa que consideran que, para acadar un verdadeiro plurilingüismo, é necesario vehicular e potenciar a lingua minorizada.
Fonte: Levante-EMV
03 de xuño de 2021
O centro asesor e de referencia en lingua de signos española comezou a súa actividade o día 1 de xuño de 2011 e está xestionado pola Confederación Estatal de Persoas Xordas, a través dun equipo formado por profesionais xordos e oíntes que teñen sempre en conta a realidade sociolingüística da comunidade signante.
Fonte: Servimedia
03 de xuño de 2021
O Concello da Coruña vai contar por fin cunha ordenanza do galego, xa que era ata o momento a única cidade galega que non tiña unha ordenanza específica, co que dará cumprimento á lei que establece o galego como lingua oficial das entidades locais.
Fonte: Galicia Confidencial
03 de xuño de 2021
A Xunta de Galicia, representada no seu secretario xeral de Política Lingüística, Valentín García, participou no acto conmemorativo do Día da Galeguidade Empresarial que acolleu a Reitoría da Universidade de Santiago de Compostela (USC) e que incluíu a sinatura dun acordo de colaboración entre a Consellería de Cultura, Educación e Universidade, o Foro Enrique Peinador e Bioga (Clúster Tecnolóxico Empresarial de Ciencias da Vida) en materia de normalización e promoción do uso da lingua galega.
02 de xuño de 2021
Un estudo realizado polo British Council revelou que a pandemia da covid-19 fixo colapsar o estudo das linguas modernas na educación primaria de Irlanda do Norte. Do estudo tamén se desprende que esta zona do Reino Unido é a que menos anos de ensino obrigatorio dedica ao estudo destas linguas.
Fonte: BBC
02 de xuño de 2021
O municipio trasmontano de Miranda do Douro actualizará a súa toponimia local ao colocar placas bilingües en mirandés e portugués en 33 localidades de todo o concello.
Fonte: Renascença
02 de xuño de 2021
A Dirección Xeral de Política Lingüística busca fomentar o uso e o coñecemento do aranés a través da publicidade institucional. Os anuncios e a cuña radiofónica estarán presentes en todos os canais da Corporación Catalá de Medios Audiovisuais, de televisión e de radio.
Fonte: Generalitat de Catalunya
02 de xuño de 2021
O certame Youtubeir@s deste ano leva como lema "Magnetismo en rede" e busca fomentar a creación e o mantemento de canles de YouTube en galego. Pola súa banda, Olloboi, que ten xa na rede os traballos finalistas, renovou as categorías nesta edición para que as obras seleccionadas sexan o máis representativas posible.
Fonte: Cultura Galega
02 de xuño de 2021
O vicepresidente primeiro da Xunta, Alfonso Rueda, participou xunto coa directora xeral de Administración Local, Natalia Prieto, e o secretario xeral de Política Lingüística, Valentín García, na presentación da lámina Liñaxes e armerías no reino de Galicia (séculos XIII-XVI), de Eduardo Pardo de Guevara y Valdés.
Boletín
Subscríbase ao boletín
