Os Premios á calidade lingüística teñen como obxectivo fomentar entre o alumnado, a cultura da calidade ligada ao uso do galego. Nesta sexta edición, por mor das restricións sanitarias, as persoas galardoadas recibiron os diplomas acreditativos por correo postal nos seus respectivos domicilios.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
27 de maio de 2021
O secretario xeral de Política Lingüística, Valentín García, participou no Teatro Principal estradense no acto de entrega do Premio Alberte Quiñoi de Álbum Ilustrado á música compostelá Gloria Pavía, pola obra Eva, a carteira espacial.
Fonte: O Portal da Lingua Galega
27 de maio de 2021
O IES Plurilingüe de Ames (A Coruña) fíxose este ano co galardón do Concurso-Exposición Letras Galegas 2021 na modalidade de ESO, BAC, FP e ensinanzas de réxime especial convocado pola Xunta de Galicia arredor da figura, vida e obra de Xela Arias.
Fonte: O Portal da Lingua Galega
27 de maio de 2021
O obxectivo das axudas é fomentar, valorizar e impulsar o valenciano como unha lingua de uso habitual e presente nos establecementos comerciais da cidade que atenden directamente ao público. Os comercios que participen recibirán un distintivo que os identifique para darlles visibilidade.
Fonte: 20 minutos
27 de maio de 2021
O secretario xeral de Política Lingüística, Valentín García, participou en San Domingos de Bonaval no acto de presentación do libro Xocas revisitado. Lembranza de Xaquín Lorenzo Fernández.
Fonte: O Portal da Lingua Galega
27 de maio de 2021
Estas axudas, convocadas polo Instituto Navarro do Éuscaro, contan cun importe total de 20 000 euros e van dirixidas a maiores de 16 anos. As persoas solicitantes deben estar inscritas nalgún curso de éuscaro desde o 20 de outubro de 2020 ata o 15 de agosto de 2021.
Fonte: Diario de Navarra
27 de maio de 2021
O secretario xeral de Política Lingüística, Valentín García, asistiu ao Acto Literario do Día das Letras Galegas 2021, na honra de Xela Arias, organizado pola Universidade de Santiago de Compostela (USC).
Fonte: O Portal da Lingua Galega
26 de maio de 2021
Ante a anulación do artigo 4 da lei para a protección e promoción das linguas rexionais de Francia (lei Molac) por parte do Consello Constitucional, convocáronse por todo o país multitude de manifestacións para esixir que a devandita lexislación se cumpra na súa integridade.
Fonte: Jornalet
26 de maio de 2021
O pacto entre o Departamento de Cultura da Generalitat e a plataforma dixital Movistar+ fixo que se subtitulasen case 18000 películas e 2171 episodios en catalán ata 2020 e que se ofrezan películas con audio nesta lingua. A previsión para 2021 é que se subtitulen 280 películas e 300 capítulos de series.
Fonte: Segre
26 de maio de 2021
Trátase da nova lei de protección das persoas consumidoras e usuarias que tramita o goberno das Illas Baleares e que recolle no seu artigo dedicado aos dereitos lingüísticos que deben poder escoller a lingua oficial na que queren ser atendidas.
Fonte: Última hora
Boletín
Subscríbase ao boletín
