Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Este galardón ten como obxectivo darlles visibilidade internacional a obras de autoras e autores vascos. O Instituto Etxepare comunicou que poderán presentarse os tradutores, as tradutoras e as editoriais internacionais que presenten unha tradución dunha obra literaria escrita e publicada en éuscaro no ano 2020.
Fonte: El Diario Vasco
O Centro Dramático Galego (CDG), unidade de produción teatral da Xunta de Galicia, levará a estrea galega de A contenda do río Miño o vindeiro 10 de xullo á Mostra Internacional de Teatro Cómico e Festivo de Cangas (MITCF).
Fonte: O Portal da Lingua Galega
Segundo as proxeccións demográficas, o Brasil deixará paulatinamente de ser o país con maior número de falantes de portugués. Cando isto aconteza, antes de final de século, os países africanos de lingua oficial portuguesa, sobre todo Angola e Mozambique, pasarán a concentrar o groso dos falantes da lingua de Camões.
Fonte: Toda Palavra
A lingua chinesa é unha opción cada vez máis habitual nas escolas de Zimbabwe grazas ao estreitamento das relacións entre o país africano e a China.
Fonte: CGTN
A empresa británica ProWritingAid, spin-off da Universidade de Oxford, adquiriu os dereitos de explotación para o español de Avalingua, un sistema de corrección e avaliación automática da calidade lingüística que emprega técnicas de procesamento da linguaxe natural baseadas en intelixencia artificial.
Desde o ano 2014, a Real Academia Galega e a Fundación Barrié promoven a elección da palabra do ano en galego. Agora, o Concello de Lugo instalou no pavimento da rúa Menorca as oito palabras elixidas ata o momento, unha iniciativa coa que busca poñer en valor a lingua galega.
Fonte: Real Academia Galega
O Goberno de Navarra e a Fundación Dindaia crean un proxecto en liña, Euskaraz KiLiKa, dirixido ao público infantil de 8 a 12 anos para ofrecerlles actividades de ocio en éuscaro, xa que contribúen á aprendizaxe da lingua e aumentan a súa fluidez e os hábitos de uso. Trátase da organización de conversacións grupais para que nenas e nenos escolarizados nesta lingua de diferentes zonas interactúen uns cos outros.
Representantes das dúas institucións reúnense para reafirmar a súa colaboración. Nos últimos anos realizaron actividades no ámbito da investigación e na difusión do coñecemento a través da organización de xornadas e encontros.
Fonte: El Periòdic
A Xunta de Galicia, representada no seu secretario xeral de Política Lingüística, Valentín García, participou en Sarria no acto de presentación do libro-catálogo da exposición Aquela nena de Sarria, homenaxe a Xela Arias.
Fonte: O Portal da Lingua Galega
O Ministerio de Educación de Irlanda do Norte decidiu suprimir a proba de expresión oral dos exames oficiais dos títulos de ensino secundario e bacharelato das materias lingüísticas para 2022 por mor da pandemia da covid-19.
Fonte: BBC
Subscríbase ao boletín
